Jesusca jahua cielomanmi tigrarca

Jesusca Galilea llactapimi paipa discipulocunahuan tandanajurca. Chaipimi Jesusca paipa discipulocunataca: “Tucui llactapi gentecunapaman ripaichi y ñucapa discipulocuna tucuchun yachachigripaichi. Paicunataca Taita Diospa shutipi, paipa Churipa shutipi y espíritu santopa shutipi bautizapanguichi” nishpa mandarca. Shinallata Jesuca: “Ama cungapanguichichu, nali gentecuna tucuchi tucuna tiempocamanmi tucui punllacuna cangunahuan casha” nirca.

Jesús causarishca jipaca, 40 punllacunatami ashtaca discipulocunaman Galileapi, Jerusalén llactapipash ricurirca. Shinallata minishtirishca yuyaicunata yachachishpa, ashtaca milagrocunatapashmi rurarca. Ña último punllataca Olivos urcupimi paipa apostolcunahuan ultimota Jesusca tandanajurca. Jesusca: “Jerusalenmandaca na rinachu canguichi. Ñuca Taita cangunaman imata carasha nishcataca, shuyashpami catina canguichi” nirca.

Jesuspa catijcunaca Jesús nishcataca na ali intindishcarcachu. Chaimandami paicunaca: Señor Jesús ¿cai tiempopillatachu Taita Diospa Gobiernotaca Israel llactapi mandachun churagringui? nishpa tapunajurca. Chaimi Jesusca: Jehová Diosca ñuca rey cachunga nara munanllu. ‘Ashtahuangarin Taita Diospa espíritu santota chasquishpami, cangunaca ushaita charinguichi. Chai ushaihuanmi cangunaca Jerusalenbi, tucuilla Judea llactapi, tucuilla Samaria llactapi y mundo entero llactacunapipash ñucamanda villachinguichi’ nirca.

Shina nijujpillatami, paicuna ricujta Jesusca jahua cieloman vichai rirca. Paitaca, fuyu quilpajpimi, paicunaca na ashtahuan ricui usharca.

Chai jipami, Olivos urcumanda, Jerusalenman tigranajurca. Paicunaca huasi jahuapimi tandanajushpa Diosta mañana costumbreta charin carca. Chaipimi imata ashtahuan ruranata Jesús yachachichun shuyanajurca.