Carcelta cuidadormi Jehová Diosmanda yachajun

Filipos llactapica demonio yaicushca shuj sirvienta joven huarmigumi causan carca. “Chai demonio ayudajpimi, paica jipa punllacuna ima pasanata adivinan carca. Shina rurashpami chai joven huarmiguca, paipa dueñocunamanga ashtaca culquita ganachin carca”. Pablo y Silas Filipos llactaman chayajpica, chai joven huarmiguca tauca punllacunatami paicuna maiman rijpipash catishpa rin carca. Chai joven huarmigupi demonio yaicushca caimandami cashna nishpa caparijurca: “Cai runacunaca Jahua Cielopi Taita Diospa esclavocunami can” nishpa. Chaimi Apóstol Pabloca chai demoniotaca: “Jesucristopa shutipimi candaca cai joven huarmigumandaca llujshi nishpa mandani” nirca. Chaimi chai demonioca chai joven huarmigumanda llujshirca.

Chai joven huarmigupa dueñocuna ña na ashtahuan culquita japinata yachashpami ninanda culiranajurca. Chaimi paicunaca Pablota y Silasta arrastrashpa, gobernadorcunapaman apashpa cashna nirca: Paicunaca cai llactapa leycunata na cazunajunllu. “Cai runacunaca, cai llactapi gentecunatami problemata ruranajun”. Chaita uyashpami gobernadorcunaca Pablota y Silasta macachun mandarca y carcelpi churachun cacharca. “Shina mandajpimi, carcelta cuidadorca ucu calabozopi churashpa, paicunapa chaquicunatapash tablón caspicunapi canichishpa saquirca”.

Chaipimi Pablopash, Silaspash chaupi tutaca caishuj prezocuna uyajta Jehová Diosman candashpa alabanajurca. “Na yashcapimi shuj terremoto tiarca. Chaimi cárcel huasica shinllitapacha cuyurirca. Chai ratomi cárcel gulpi pungucunapash pascarirca y tucui prezocunata huatashca cadenacunapash pascarirca”. “Carcelta cuidador rijcharishpaca, cárcel pungucuna tucuilla pascarianajujtami ricurca. Chaimi paica, prezocuna llujshishcamari yashpa, paipa espadata llujchishpa ña huañuchiringapaj munajurca”.

Chai ratomi Pabloca “Ama huañuchirichu. Tucuillamari caipi capanchi” nishpa caparirca. Chaimi carcelta cuidadorca ucuman calpashpa Pablopa, Silaspa ñaupapi cungurishpa: “Salvaringapaca ¿imatata rurana capani?” nishpa tapurca. Chaimi paicunaca: “Quiquindapash, quiquinba huasipi causajcunatapash Taita Dios salvachunga Señor Jesuspimi crina capanguichi” nirca. Chai jipami Pablopash Silaspash Jehová Diosmanda paicunaman yachachi callarirca. Shina yachajushpami carcelta cuidadorpash y paipa familiapash tucuillacuna bautizarirca.