Parte 11pa callari shimicuna
Cai partepica Bibliapa Griego Shimipi escribishca librocunapi imata yachachishcatami ricushun. Shinallata Jesús shuj pobrella familiapi nacirishcata, shuj pueblopi causashcata, paipa carpintero taitahuan trabajashcatapashmi yachajushun. Jesusca tucuicunatami salvagrijurca. Diosca Jesustami paipa Reinopi mandachun agllarca. Quiquin huahuacunata charishpaca, Jesús cai alpapi nacirishpa shuj ali familiahuan viñachun, Jehová imata rurashcata yachachipangui. Shinallata rey Herodes Jesusta huañuchigrijujpi Jehová Dios imashina cuidashcatapash yachachipangui. Jehovapa munai pactarichunga imapash na jarcai ushanllu. Quiquinba huahuacunamanga Jehová Dios bautizaj Juanda Jesuspa ñanda pascashpa saquichun agllashcatami yachachina capangui. Jesús uchillamandapacha Jehovapa ali yachaita alicachishcata, Jehovapi confiashpa na paipa munashcata rurashcatapash yachachipangui.