CÁNTICO 96
Bibliaca ninan valishca oroshnami can
(Proverbios 2:1)
1. Bibliaca ninan valishca oroshnami.
Caitaca Jehová Diosmi cararca.
Huaquin gentecunata agllashpami
cai librotaca escribichirca.
Jehovapa yachachishcacunataca
Bibliapimi tarita ushanchi.
Chaipi ali yachachishcacunami
jambishpa samachinshna yachachin.
2. Bibliapica ninmi, callaripica
Jehová Diosmi tucuita rurarca,
shuj nali angelmi jatun tucushpa
Jehovapa contra tucurca nishpa.
Shinallata ninmi, Adán y Evami
Jehová Diosta na cazurca nishpa.
Chaimi tucuicuna juchayu canchi.
Shinapash Jehová Diosmi salvanga.
3. Cushijuna tiempopimi capanchi.
Diospa Churica ñami mandajun.
Chaimandami Jehová Dios imatalla
caranataca villachipanchi.
Bibliapica juyailla, sumaj, ali
shimicunatami tari ushanchi.
Chaimandami Bibliataca ninanda
alicachishpa liina capanchi.
(Caitapash liipangui 2 Tim. 3:16; 2 Ped. 1:21).