LECCIÓN 18

Ashtahuan aliguta intindichipangui

1 Corintios 9:19-23

¿IMATATA RURANA CAPANGUI? Alitami yachajushcani nishpa pensachunmi, quiquinda uyajcunataca ayudana capangui.

Quiquinda uyajcuna imata ña yachajtami yaipi charina capangui. Ña yachashca cosascunata ripititalla ripitijunapa randica, chai temamandallata shuj yuyaitapash intindichunmi ayudana capangui.

Rijsishca yuyaicunata yachachijushpaca, na yapata paranachu capangui. Cutin mushuj yuyaicunata yachachijushpaca ashaguta paranami capangui.
Informacionda mascapangui, aliguta pensaripanguipash. Minishtirishca yuyaicunata intindichingapami, usharijpica na yapa rijsishca cosascunamanda, o cunan punllacunapi ima pasajushcata parlana capangui. Chai jipaca pensarinami capangui: “Minishtirishca yuyaita ali intindichingapaca ¿imashinata ñuca mascashca informacionga ayudan?” nishpa.

Prepararijushpaca, quiquinllatami tapurita ushapangui, ¿imamanda?, ¿imapa?, ¿maipi?, ¿ima hora?, ¿pita?, ¿imashinata carca? nishpa. Chai tapuicunata contestashpami ashtahuan aliguta yachachi ushapangui.
Quiquinda uyajcunamanga yachajushcata imashina pactachinatami ricuchina capangui. Jehovapa yachachishcacuna paicunapa causaipi imashina ayudajtami ricuchina capangui. Quiquinda uyajcuna, imapipacha ayudachun minishtijuj cosascunamandami yachachina capangui.