LECCIÓN 6

Textotaca aliguta intindichipangui

Juan 10:33-36

¿IMATATA RURANA CAPANGUI? Quiquin parlajushca temataca, shuj textohuanmi intindichina capangui. Shuj textota liishpalla shuj temamanga na chimbanachu capangui.

¿IMASHINATA RURANA CAPANGUI?

Maijan palabracuna importante cajta ricuchipangui. Shuj textota liishca jipaca, maijan palabracuna importante yuyaita apoyajujta ricuchingapami, chai palabracunataca cutin tigrashpa nina capangui. Na cashpaca, maijan palabracuna importante cashcata cuenta japichunmi, tapuicunata rurana capangui.

Shuj textopa yuyaita intindichingapaj munashpa shuj shuj palabracunata utilizajushpaca, chai yuyaitallata intindinajujtaca seguromi cana capangui.
Maijan yuyai importante cashcata ricuchipangui. Shuj textota imamanda liigrijushcata nishca cashpaca, chai textopi palabracuna quiquin parlajushca yuyaita imashina apoyajtami ricuchina capangui.

Shuj textomanda parlajushpaca, Bibliataca pascaria charipangui. Shinami gentecunaca, Bibliapi liishca textomandallata parlajushcata cuenta japinga.
Jahuallaguta intindichipangui. Quiquin yachachijuj temata, huaquin yuyaicuna na yapata apoyajujpica, chai yuyaicunatapash intindichijunaca na minishtirinmanllu. Aliguta intindichingapaj mashna información minishtirijujta yachangapaca, quiquinda uyajcuna imata ña yachajta o nara yachajtami ricuna capangui.