LECCIÓN 20
Aliguta tucuchipangui
Eclesiastés 12:13, 14
¿IMATATA RURANA CAPANGUI? Ña parlai tucuchijushpaca, imata yachajushcata pactachingapaj munachunmi, quiquinda uyajcunataca ayudana capangui.
¿IMASHINATA RURANA CAPANGUI?
Tema maijan cashcata ricuchishpami ashalla shimicunapi tucuchina capangui. Importante yuyaicunata, temataca cutinmi tigrashpa nina capangui o chaitallatami shuj shimicunapi nita ushapangui.
Quiquinda uyajcunata animapangui. Imata ruranata, imamanda ruranatapash alimi intindichina capangui. Quiquinba yachachishca cierto, ali cashcataca seguro sintirishpami parlana capangui.
Intindirinalla, ashalla shimicunahuan tucuchipangui. Tucuchijushpaca ñana shuj yuyaicunataca yachachijunachu capangui. Alita rurachun ashalla shimicunahuan animashpami tucuchina capangui.