25 DAVID
Na manllashpami alita rurarca
DAVIDCA rey Saulpa ayudantemi cashca carca. Shinallata Saulca Davidta juyaimanda, paipi confiaimandami paipa soldadocunapa mandaj cachun churashcarca. Shinapash Saúl Davidta huañuchingapaj munai callarishcamandami Davidca paimanda pacajushpa rijurca. Jehová Diosca Davidmanga: “Canmi rey tucungui” nishcarcami. Shinapash Davidca paipa 600 jaricunahuanmi Saúl ama huañuchichun desiertopi pacajunajurca.
Saulca millai millai reymi tucushcarca. Chaimandami Davidta ninanda envidiashpa, paita na ricunayachishpa huañuchingapaj munarca. Shuj viajeca Davidca Saulta huañuchita ushashpapash na huañuchircachu. Shina rurajpipash Saulca paita huañuchingapami munarca. Chaimi Davidca Zif llactaman pacajungapaj rirca. Shinapash chaipi causaj runacunaca David chaipi cashcatami Saulman villarca. Zif llactamanda gentecunaca ñami shuj viaje chaitallata rurashcarca.
Shinaca Saulca paipa soldadocunandimi Davidta huañuchingapaj rirca. Davidca Saúl desiertopi cashcata uyashcamandami chai cierto cashcata yachangapaca huaquin jaricunata cacharca. Saúl 3 mil soldadocunata charijpipash Davidca na manllashcata ricuchingapami: “Ricui, Taita Diosmi ñucataca ayudahuan. Jatun Diosca, ñuca causaita llaquishpa shinllichijcunahuanmi” nishpa escribirca (Sal. 54:4; capitulopa callari shimicunatapash ricupangui). Davidca Saúl quidashca pushtuman tuta ringapami paipa ishcai soldadocuna paita cumbashpa richun mañarca.
Nimata na manllaj Davidpa sobrino Abisái shuti runami paita cumbashpa rirca. Abisaica huaquinbica millai millai, naliguta pensarishpa imatapash ruraj runami carca. Saúl shayachishca carpacunaman chayashpaca gulpicuna puñunajujtami ricurca. David y Abisái chaiman rishcata ama cuenta japichunmi Jehová Diosca chai tucui runacunata puñuchishcarca. David y Abisaica Saúl maipi cashcatami tarirca. Paipashmi puñushpa quidashcarca. Saultaca pipash na cuidajurcachu. Paipa uma ladopi paipa lanzapash alpapi clavashcami carca.
Davidca ¿imatata rurarca? Saultaca huañuchita ushanmanllami carca. Saulta huañuchijpica Saulca paita huañuchingapaj ñana catinmanllu carca. Davidpash ña rey tucunmanllami carca. Abisaica imamanda David Saulta na huañuchingapaj munashcataca na intindircachu. Chaimandami upallaguta parlashpa Davidmanga: “Cunanmi Taita Diosca canba contrataca canba maquipi entregajun. Paitaca shuj viajetalla una sola lanzahuan alpaman yalijta clavachun saquihuai” nirca.
Davidca shuj punlla Saulta huañuchina oportunidadta ña charishcata yariami cashcanga. Saulca En-Guedí desiertopi David pacajushca cuevapimi yaicushcarca. Saulca Davidtaca na ricurcachu. Chaimi Davidca Saultaca huañuchita ushanmanlla carca. Shinapash chaipa randica, Saulpa churajuna ropapa puntagutallami cuchurca. Chaitalla rurashpapash Davidca Jehová agllashca reyta na respetashcamandami llaquilla, nali sintirirca.
Rey Saulta ama huañuchichun Abisaita jarcanaca Davidpaca na facilchu cashcanga. Davidca Abisaipash rey Saulmanda pacajushpa causajushcataca alimi yacharca. Shinallata Davidpa soldadocunaca rey Saúl paicunata ñana ashtahuan catichunmi munashcanga. Shinapash Davidca Saultaca na llaquichircachu. Chaimandami Abisái rey Saulta huañuchingapaj munashcamanda paita rimashpa pacienciahuan shuyachun mañarca. Ashtahuanbash Abisaimanga: “Jehová Diosllatami paitaca huañuchinga. Na cashpaca tucui gentecuna huañunshnallatami ima horapash huañunga. O na cashpaca guerraman rishpami huañunga” nircami. Chai jipaca Davidca: “Jehová Diosta respetaimandami Jehová Dios agllashca personataca ñucaca nimamanda na llaquichishachu” nircami.
Davidpa contrata huañuchichun Abisái atichijpica Davidca ¿imatata rurarca?
Davidca Saúl nalita rurashcamanda Jehová Dios pai agllashca tiempopi Saulta llaquichinataca alimi yacharca. Ñaja parlashca Salmopica Davidca Jehová Diosmanda parlashpaca: “Ñucata fiñajcunamambash, paimi llaquita tigrachinga” nircami (Sal. 54:5). David y Abisaica Saúl carpacunata shayachishca pushtumanda llujshishpami shuj urcu jahuaman rirca. Ña chaipi cashpaca Davidca caparishpami rey Saulta na cuidashcamanda Saulpa soldadocunataca rimarca. Shinallata Saulmanga: “Candaca na llaquichishachu. ‘Shuj yanga piquishnamari capani’. Shinaca yangatami ñucataca catihuangui” nircami. Saulca ninanda pinganayachishpami: “Ñucaca tontoshnami portarishcani. Nalitapachami rurajushcani” nirca.
Chai jipaca ¿Saulca cambiarcachu? Davidca Saúl na cambianataca alimi yachashcanga. Shinapash na manllashpa alita rurashcamanda, Jehová Diosta cushichishcamandaca nunca na arripintirishcangachu. Chaimandami tiempohuanga tucuipi cazushcamanda, na manllaj cashcamandaca Jehová Diosca David na pensashcashna ninanda bendiciarca.
Bibliapi ima nijta liipai
¿Imatata nipanguiman?
Davidca ¿imashinata na manllashcataca ricuchirca?
Ashtahuan informacionda mascapai
1. Abisái runaca huaquinbica millai, na aliguta pensarishpa imatapash rurajmi carca. Shinapash israelitacunata difindingapaj, Davidta ayudangapaj na manllashcataca ¿imashinata yachapanchi? (it “Abisai” párrs. 3-5).
2. Davidca ¿imamandata ‘urcupi perdiz shuti pajaroshna’ cani nirca? (1 Sam. 26:20; it “Perdiz” párr. 4). A
Ekaterina Kolomeets/stock.adobe.com
Foto A
3. Davidca ¿imamandata pacienciahuan shuyanata minishtirca? (w17.08 7 párrs. 14, 15).
4. Ashtaca huatacuna jipapash ¿imashinata Davidca humilde cashcata ricuchishpa catirca? (w21.09 10 párr. 8). B
Foto B
Imata yachajushcapi pensaripai
Saúl cutin cutin pandarijpipash autoridadta charishcamandami Davidca paitaca respetarca. ¿Imashinata Davidpa ejemplota catita ushapanchi...
... ñucanchi taitamamahuan? C
Foto C
... gobiernopa autoridadcunahuan? D
Foto D
... congregacionmanda ancianocunahuan? E
Foto E
Davidca Jehová Diosta cushichingapami na manllashpa alita rurarca. Ñucanchicunapash ¿ima situaciongunapita alita rurangapaj na manllaj cashcata ricuchina tucupanchiman?
¿Imashinata Davidpa ejemplota catishpa na manllashcata ricuchita ushapangui?
Ima pasashcapi pensaripai
Cai historiaca Jehová Diosmandaca ¿imatata yachachihuan?
Cai historiaca Jehovapa voluntadhuan y Bibliapa temahuanga ¿imatata ricunata charin?
David causarijpica ¿imatata paita tapungapaj munaiman?
Ashtahuan yachajupai
Davidhuan ima pasashcata ricupai.
Juyaita charishpaca alimi portarishun: Tucui llaquita apanllami (1:29)
Saulca callaripi humilde cashpapash jipamanga orgullosomi tucurca. Huahuacunaca caimandaca ¿imatata yachajuita ushan?
“Rey Saúl” (ficha de personaje bíblico nishcata jw.org paginapi ricupangui)