27 MEFIBÓSET
Yangamanda nali tratai tucushpapash na culirarcachu
MEFIBOSETCA shuj importante familiapimi nacirirca. Paipa abueloca rey Saulmi carca. Paipa taitaca na manllaj, Jehová Diosta ali sirvij Jonatán runagumi carca. Shinapash Mefibóset 5 huatacunata charijpimi na yashcapi paipa causaica ninanda cambiarca. Paipa abuelo Saulca shuj macanajuipi ninanda chugrishca cashpami paillata huañuchirirca. Shinallata chai macanajuipillatami Mefibosetpa taita Jonatanbash huañurca. Mefibosetta cuidaj huarmiguca rey Saúl y Jonatán huañushcata uyashpami Mefibosetta ama huañuchichun nishpa, paita marcashpa calpai callarirca. Shina ninanda calpajujpimi huahuaca urmarca. Shina urmashpami paica suchu quidarca.
Ashtaca llaquicunata charishpapash Mefibosetca imagumandapash ñapash culiraj runaca na tucurcachu. Chashna llaquicunapi cajpica Makir runagumi paitaca cuidarca. Shinapash asha tiempo jipaca rey Davidca paipa amigo Jonatanman shuj promesata rurashcatami yuyarirca. Paica Jonatanba familiata cuidanatami prometishcarca (1 Sam. 20:14-17). Chaimi Mefibosetta cayachun cacharca.
Rey David cayachun cachajpica Mefibosetca rey Davidpaman rinataca ninandami manllajurca. Porque paipa abuelo Saulca Davidta huañuchingapaj munashpami catiriashca carca. Chaimandami Mefibosetca paipa abuelopa culpamanda rey David paita huañuchingapaj munajun yashpa manllajurca. Shinapash Davidta cazushpami paita ricungapaj rirca. Pero Davidca Mefibosettaca juyaihuan, llaquishpami tratarca. Paipa abuelopa alpacunatapashmi tigrachirca. Shinallata: “Ñuca mezapimi canga micushpa causagringui” nircami. Chaimandami Mefibosetca agradicishca sintirirca. Shinapash paita ali tratachun na miricishcata sintishpami shuj huañushca alcuhuan compararirca.
Mefibosetca huahua cashpaca suchu y taitamama illami quidarca. Cutin viñashpaca traicionai tucurca y yangamandami llaquichi tucurca
Asha tiempo jipaca Mefibosetca shuj llaquitapashmi charirca. Davidpa churi Absalón Davidpa contra tucujpimi Davidca Jerusalenmanda llujshishpa rina tucurca. Shinapash Mefibosetca Davidta cumbashpa ritaca na usharcachu. Chaimandami paita sirvij Zibá shuti runaca paipa amo Mefibosettaca Jerusalenbi saquishpa Davidta ayudangapaj rirca. Pero Mefibosetca Davidta apoyangapaca barbastapash maipash cachun viñachun saquishpami llaquilla cashcata ricuchirca. Chai tiempopica jaricunaca pipash huañushcamanda llaquilla sintirishcata ricuchingapami barbastaca shina maipash cachun viñachun saquin carca. Davidca Absalonda mishashca jipami Jerusalenman tigraita usharca. Shinapash Mefibosethuan culirashcami carca. ¿Imamandata culirashca carca?
Zibá runaca llullacunatami Davidmanga nishca carca. Paica Davidpaman chayashpaca: “Mefibosetca canba contra tucushpa rey tucungapaj munaimandami Jerusalenbi quidarca” nircami. Chaita uyashpa David imashina sintirishcapi pensaripashunchi. Paitaca paipa propio churillata, paipa ali amigo Ahitofelpashmi traicionarca. Chaimi paica Mefibosetpash paita traicionashcata pensarca. Chaimandami Mefibosetman cushca alpacunataca Zibá runaman curca.
Mefibosetca Zibá runa paita yangamanda juchachishcatami yachaj chayarca. Chaimandami rey David paihuan culirashca cajpipash imapacha pasashcata villangapaj rirca. Davidca Mefibóset imamanda paita na cumbashpa rishcata, imamanda Jerusalenbi quidashcata yachangapami munarca. Chaimi paica aliguman parlashpa: ‘Ñucaca suchumi’ cani nirca. Shinallata Zibá runa paita umachishcatapashmi villarca. Mefibosetca llaquilla caimandami barbastapash maipash cachun viñachun saquishcarca. Y chaitami Davidca talvez cuenta japishcanga. Barbasta maipash cachun viñachun saquishpaca Mefibosetca Davidmanda llaquilla cashcata, paita na traicionangapaj munashcatami ricuchirca. Imashina cashca cajpipash Davidca ninanda culirashca caimandami Mefibosettaca shinllita rimashpa: “Candaca ñana uyangapaj munanichu” nirca. Chaimandami Davidca Zibá runahuan alpacunata partirichun Mefibosettaca mandarca.
Zibá runaca Mefibosettaca Davidpa ñaupapica yangamandami juchachishcarca. Y Mefibosetca paipa alpacunata paihuan partirina obligaciondaca na charircachu. Shinallata Mefibosetca Zibá runa paimanda llullashpa villashcamandaca culiraita ushanmanmi carca. Pipash ñucanchita yangamanda llaquichijpica culirashpa resintirishca quidanaca facilmi can (Deut. 19:18, 19). Ñucanchipilla ama pensaringapaj, shujcunapa pandarishcacunatalla ama ricungapaj, perdonangapaj y tucuicunahuan tranquilo, ali causaita chari ushangapaca na manllaj canami minishtirin. Shinaca Mefibosetca ¿imatata rurarca?
Zibá runahuan alpacunata partirichun David mandajpica Mefibosetca cashnami nirca: “Ñuca reylla Zibá runa tucuihuan quidachunlla. Porque quiquinga a salvomi huasimanga chayamupashcangui” nircami. Cashna nishpaca Mefibosetca humilde cashcata, gentecunata juyashcata, Jehová Dios agllashca rey Davidta respetashcatapashmi ricuchijurca. Mefibosetca paipa alpacunata shuajpi, llullacunata nishpa paita llaquichijpipash Jehová Diosta sirvinataca na saquircachu. Shinallata culirashpa resentidopash na quidarcachu. Mefibosetca soldadocunashna guerrapi na macanajushca cashpapash ashtaca soldadocunatapash yalimi na manllaj runagu carca.
Bibliapi ima nijta liipai
¿Imatata nipanguiman?
Mefibosetca ¿imashinata na manllashcataca ricuchirca?
Ashtahuan informacionda mascapai
1. Mefibóset runaguca Davidpa huasiman nara causangapaj rishpaca “Makir runapa huasipimi” causarca. Makir runaguca ¿imata ashtahuan rurashpata Jehová Diosta cazuj, mingachinata gushtaj runagu cashcata ricuchirca? (2 Sam. 9:3, 4; it “Makir” núm. 2).
2. Mefibosetca ¿imashpata shuj “huañushca alcushnamari” cani nirca? (2 Sam. 9:8; it “Perro” párr. 5). A
PhotoStock-Israel/Photodisc via Getty Images
Foto A: Israelitacunapaca alcucunaca sobracunata micuj mapa animalcunami carca.
3. Mefibosetca Davidpa randi rey cangapaca na munarcachu. Chaitaca ¿imamandata yachapanchi? (w02 15/2 14 párr. 11, nota). B
Dibujo B: Jonatanga paipa churi Mefibosetmanga rey cachun Jehová Dios pita agllashcatami talvez villashcanga.
4. Cai capitulopi parlashca cosascuna pasashca jipaca Jehová Diosca Mefibosettaca ¿imashinata bendiciarca? (it “Mefibóset” núm. 2 párr. 3).
Imata yachajushcapi pensaripai
Ashtaca huauquipanicunami depresión unguihuan o shuj shuj llaquicunahuan sufrinajun. Chashna llaquicunata charijcunataca talvez na ali intindi ushapanchichu. Shina llaquicunata charij huauquipanicunaca Mefibosetpa causaimandaca ¿imatata yachajuita ushan?
Davidca shujpa nishcatalla uyashpami Mefibosetpa alpacunata quichushpa shujman curca. Shinaca imatapash na ali yachashpata shuj decisionda japinamandaca ¿imatata yachajupanchi? C
Foto C
¿Imashinata Mefibosetpa ejemplota catishpa na manllashcata ricuchita ushapangui?
Ima pasashcapi pensaripai
Cai historiaca Jehová Diosmandaca ¿imatata yachachihuan?
Cai historiaca Jehovapa voluntadhuan y Bibliapa temahuanga ¿imatata ricunata charin?
Mefibóset causarijpica ¿imatata paita tapungapaj munaiman?
Ashtahuan yachajupai
Pipash yangamanda llaquichijujta sintishpa Mefibosetpa ejemplota imashina catinata yachajupai.
Tranquilo ali causaiguta mascajcunaca tranquilo causaitallatami chasquin: Mefibóset (3:25)
Shuj huahua shujcuna paihuan na llevaringapaj munajushcata sintijujpica ¿imashinata paipa taitamamaca Mefibosetmanda yachachishpa ayudaita ushan?
“¿Huaquinbica shujcuna quiquinda ladoman churajtashnachu sintipashcangui?” (w11 1/6 26, 27)