Punda taitacunapa punllacunamanda, juezcunapa punllacunacaman

Cai partepa historiacunaca más o menos 2 mil 200 huatacunapi ima pasashcatami ricuchin. Enoc runagumanda parlashpami callarin. Shinallata profeta Samuelmanda parlashpami tucurin. Enoc causashca tiempopica Adanga causajurcarami. Cutin Samuel causashca tiempopica Jehová Diosca Israel llactapa primer reyta agllangapaca Samueltami utilizarca. Ashtahuanbash cai partepa historiacunapica na manllaj shuj jaricunamanda, huarmicunamandapashmi yachajugripanchi. Por ejemplo, Noé, Abrahán, Sara, Moisés, Rahab, Débora y Gedeonmandami yachajugripanchi. Huaquingunaca peligroso pushtucunata, caru carutami rirca. Cutin shujcunaca ‘Jehová Diospa macanajuicunapimi’ macanajurca. Tucui paicunaca paicunapa juyashca Taita Diospa mandashcacunataca na manllashpami pactachirca.