Cusa o huarmi traicionajpi

CUSA O HUARMI traicionajpica ninandapachami llaquichin. Huaquingunaca paipa cusata o huarmita perdonashpami cutin tigrashca.a Shinapash perdonajpi o na perdonajpipash traicionai tucushca cusa o huarmica llaquilla sintirishpami catin. Shinaca ¿imata alillata sintirichunga ayudanga?

BIBLIAPA CAI TEXTOCUNAMI AYUDAI USHAPANGA

Huaquin llaquirishca cusacunata o huarmicunataca, Bibliapa nishcacunami cushichishca. Bibliata liishpaca Taita Dios paicunata intindishcatami cuenta japishca (Malaquías 2:13-16).

“Ñuca shungu ucupi ashtaca yuyaicunahuan musparijujpica, can cushichishcacunami, ñuca almatapash cushichihuarca” (Salmo 94:19).

Bill shuti jarica: “Caita liishpaca Jehová Dios shuj juyaj taita cushichijujpishnami sintirircani” ninmi.

“Tucui shunguhuan cazushpa canda na saquij runataca canbash na saquishcatami ricuchingui” (Salmo 18:25, NM ).

Carmendaca paipa cusaca huaquin quillacunatami traicionajushcarca. Chaimandami Carmenga nin: “Ñuca cusa traicionahuashcajpipash, Jehová Dios ñucata nunca na saquinataca tucui shunguhuanmi cripani” nin.

‘Ima illajpipash, na chaitalla yariashpa llaquilla causanachu canguichi. Ashtahuangarin Taita Diostami ninanda mañana canguichi. Casilla ali causaitaca, Taita Diosmi caramunga. Chashna aliguta causanataca, pipash na yachajui ushanalla cajpimi, cangunapaj shungutapash, yuyaicunatapash, huacaichijunga’ (Filipenses 4:6, 7).

Anitaca ninmi: “Cai juyailla shimicunataca cutin cutinmi liin carcani. Taita Diosta mañajushpaca, munailla alimi sintirini” nin.

Cai temacunapi parlashca gentecunaca ñaupaman catitaca na usharingachu yarcami. Shinapash Jehová Diosmanmi cai llaquicunata mingarca, Bibliapa consejocunami paicunataca shinllichirca. Bill shuti jariguca nircami: “Ñana causangapaj munajpipachami Taita Diospi crinaca causashpa catichun ashtacata ayudahuarca. ‘Huañui japinalla llandu pugru pambata rijujpipash’ Taita Diosca siempremi ñucahuan carca” nin (Salmo 23:4).