Cushijushpa chasquishunchi

1. ¿Ima punlla, imamandata cushijushpa chasquina canchi?

¹ Ñucanchica yanchimi, cai huataca 10 millón yali gentecunami Jesús huañushcata yaringapaj shamunga nishpa. Paicunaca Jehová Diospash Jesuspash ñucanchita ninanda juyashpa salvashcatami uyanga ( Juan 3:​16; 15:13). Shinallata, Jehová Dios paipa Churipa causaita cushcamanda gentecuna ima bendiciongunata charinatami uyanga (Is. 65:​21-​ 23). Discursanteca ali discursota cushpami gentecunataca cushilla sintichinga. Shinapash ¿imashinata tucui publicadorcunaca invitashcacunata cushicushpa chasquina can? (Rom. 15:⁠7.)

2. Mushuj shamujcuna cushilla sintirichunga ¿imatata shinana canchi?

² Tandanajui nara callarinllu nishpa tiajunapa rantica, ñucanchi ladopi tiajuj mushuj shamujcunata saludashpa, paicunata parlachishpami ali canman. Huaquingunaca tandanajuipi imata shinanata na yachashpami pingai tucushcacuna tianajun. Chaita ricushpaca cushilla asishpa, parlash­pami paicunataca ali sintichishun. Cutin shujcunaca shuj invitación hojata chasquishpami shamushcacuna. Invitacionda chasquishpa shamushcata yachangapajca, primera vezchu shamupangui, o pitapash caipi rijsipanguichu nishpami tapunalla canchi. Shinallata, ñucahuan tiaripai nishpami Bibliatapash canticotapash ricuchina canchi. Jesús huañushcata yaringapaj ñuchanchi Tandanajui Huasipillata tandanajushpaca, chaipi imalla tiashcatami rijsichina canchi. Discurso jipaca, imapash tapuita charipanguichu nishpa tapunallami canchi. Cutin chai Tandanajui Huasipillata shuj congregacionbash tandanajuna cajpica, tandanajuica alichu capashca, ashtahuan parlangapajca maipita quiquindaca tari ushapani nishpami ali arreglocunata shinana canchi. Chiriyashca huauquipanicuna rijpica ancianocunami ashtahuanbachaca paicunata animana, ayudana can.

3. ¿Imamandata Jesús huañushcata yaringapaj shamujcunataca cushijushpa chasquingapaj esforzarina canchi?

³ Ashtaca mushuj shamujcunaca primera vezmi Jehovata sirvijcunahuan cushijushpa, tranquilo tandanajunga (Sal. 29:11; Is. 11:​6-9; 65:​13, 14). Chaimandami cushicushpa chasquijpica mushujcunapash cushijunga. Shinaca tucuicunata cushicushpa chasquingapaj esforzaripashunchi.