Cushijushpa chasquipashunchi

¿Picunatata cushijushpa chasquina capanchi? Mushuj cajpi, unaillata rijsishca cajpipash tucuicunatami tandanajuicuna- man shamujpica cushijushpa chasquina capanchi (Rom. 15:7; Heb. 13:2). Huaquinbica shuj llactamanda huauquichari visitangapaj shamunga. Cutin huaquinbica, unaillata tandanajuicunaman na shamushca huauquichari shamunga. Quiquin cashpaca ¿imashina chasquichunda munapanguiman? ¿Nachu cushijushpa chasquichun munapanguiman? (Mat. 7:12). Chaimandami tandanajui nara callarijpillata, o tandanajui jipapash Tandanajui Huasi ucupi shujcunata saludangapaj esforzarina capanchi. Shinami tandanajuiman shamujcuna cushilla, ali sintirichun ayudanchi (Mat. 5:16). Huaquinbica tandanajuiman tucui shamushcacunata saludaitaca na pactarinllu. Shinapash cada uno esforzarishpaca tucuillacuna cushilla sintirichunmi ayudaita ushapanchi.a

Jesús Huañushcata Yarina tandanajuiman shamujcunata cushijushpa chasquishpapash, tucui tandanajuicunapimi tucuicunata cushijushpa chasquina capanchi. Jesusta catijcuna ciertopacha juyaita ricuchijpimi mushujcunaca, Jehová Diosta alabangapaj, adorangapaj tal vez munanga (Juan 13:35).