Jehová Diosta alabashunchi
1. Jatun tandanajuiman rijpica ¿imamandata gentecunaca ñucanchita ñapash rijsin?
1 Jatun tandanajuicunaman ñucanchi rijpica gentecunaca ricunajunmi. Ashtaca llactacunapica radiopi, televisionbimi villan, Jehovata sirvijcunapa jatun tandanajui tiagrinmi nishpa. Ashtacacunami hotelcunaman, restaurantecunamanbash rinchi. Shuj huauquicunacarin tarjeta de solapahuanmi purinajun. Shinaca ¿imashinata jatun tandanajuiman rishpaca chai llactapipash Diosta alabashun? Huaquin yuyaicunata ricupashunchi (1 Ped. 2:12).
2. Jatun tandanajui punllacunapi aliguta churajushpaca ¿imashinata Diosta alabashun?
2 Aliguta mudarishunchi. Jatun tandanajuiman aliguta mudarishpa rijtaca gentecunaca ricunajunmi. Huaquingunacarin hotelman imashina churajushpa ñucanchicuna chayanajujta, randingapaj, micungapaj rijushpa imashina mudarishpa llujshinajujtaca ricunajunmi. Tandanajuiman rijunshna na mudarishpapash na maipashcachun churajushpa llujshinachu canchi. Gentecunaca ñucanchicuna Diosta sirvij cashcataca shutillami ricuna can (Rom. 12:2). Tarjeta de solapatapash churajushpami purina canchi. Shinami jatun tandanajuimanda, Diopa Reinomanda parlana oportunidadta charishun o shuj huauquicunapash ñucanchita rijsinga.
3. Na fiñarishcata, cushilla cashcataca ¿imashinata ricuchishun?
3 Na fiñarishpa, cushillami cana canchi. Cunan punllapi gentecunaca agradicinata na yachaj, paicunalla ali cangapaj munajcunami can. Chaimandami tucuicunata, ashtahuanbachaca hotelpi o restaurantepi trabajajcunata na fiñarishpa, cushilla tratashpa ali sintichina canchi (2 Tim. 3:1-5). Shujcunapipash yashpami asientocunatapash o mushuj publicaciongunatapash na yapata japina canchi (1 Cor. 10:23, 24). Shuj jarica jatun tandanajuiman rishca jipami nirca: “Discursocunapi imata nishcataca na yarinichu. Shinapash Diosta sirvijcuna ali portarijta ricushcataca nunca na cungashachu” nishpa.
4. ¿Imamandata jatun tandanajuipi ayudangapaj munana canchi?
4 Ayudangapaj munanami canchi. Jesusta ali catijcunaca alimi ayudan nishpami gentecunaca rijsin (Sal. 110:3). ¿Nachu quiquinbash ayudaita ushanguiman? Shuj viajeca jatun tandanajui tiana cajpimi casi 600 huauquipanicunaca tandanajuna localta limpiashpa ayudarca. Chai localpi trabajadorcunaca manllarishpami nirca: “Voluntariocuna cashpapash cashnapacha ayudajtaca ima horapash na ricushcanchichu” nishpa. Huata 2013pi quimsa punlla jatun tandanajui tiachunga cushijushpami chapanajunchi. Chaipimi uyashpa, yachajushun. Ashtahuangarin chaipimi ñucanchita Yachachij Jehová Diosta alabashun.
[Epigrafe de página 5]
Huata 2013 quimsa punlla jatun tandanajuipa villaicuna
◼ Jatun tandanajuipa horario. Tandanajuica quimsandi punllatami las 9:20ta callaringa. Shinapash pungucunataca las 8tami pascanga. Tandanajuita ali callaringapaca música uyarijpillatami ña tiarina canchi. Viernesta, sabadotaca las 4:50tami tucuringa. Cutin domingotaca las 3:35tami tucuringa.
◼ Parqueaderocuna. Carrocunata ñucanchillata cuidajuimandaca na cobranajushunllu. Carrocunataca imashina chayashcapimi churashun. Parqueaderocunaca uchillami can. Chaimandami shujlla carropi pactajcunaca shujlla carropi rishpa ali canman. Discapacitadocunapa nishca partecunapica paicunata apaj carrocunallami cana can.
◼ Asientocuna. Asientocunataca ñucanchihuan causajcunapa, ñucanchihuan carropi rijcunapa o ñucanchihuan Bibliata yachajujcunapallami japina capanchi. Mayorcunapa, ungushcacunapa sillacunaca na ashtacacuna tianllu. Chaimandami, huaquinbica na tucui familia paicunahuan tiarita ushanchi. Shinaca mayorcunalla, ungushcacunalla, paicunata ayudajcunalla chai sillacunapi tiarichunmi saquina canchi (1 Cor. 13:5).
◼ Micuna. Chaupi punlla micunata randingapaj llujshijunapa randica ñucanchillatami micunataca apana canchi. Shinapash, na jatun mangacunapi, jatun bolsocunapi, vidrio cosascunapichu apana canchi. Asiento ucupi pactana cosascunapillami micunataca apana canchi.
◼ Contribucionguna. Jatun tandanajui tiashcamanda agradicishcata ricuchingapaca obra mundial nishca cajacunapimi contribuciongunataca churana canchi. Chequepi cungapaj munashpaca Testigos de Jehová nishpami churana canchi.
◼ Jambicuna. Doctor mandajpi jambicunata ufiajushpaca jambicunataca apashpami rina canchi. Jatun tandanajuipica ñucanchi ministijushca jambicunataca na charingachu. Ñucanchillatami apana canchi. Diabetes ungüita charishpa jeringuillacunata utilizana cashpaca, jeringuillacuna peligroso cashcamandami utilizashca jipaca na maicunapipash yangata shitanalla canchi. Jatun Tandanajui Huasipa basurerocunapi, mingarishca huasicunapa basurerocunapipash na shitanachu canchi.
◼ Zapatocuna. Taco zapatocunata churajuimandaca tucui huatacunami llaquicuna tiashca. Chaimandami rejillacunapi, gradascunapi ama urmangapaca ali agllashpa zapatocunataca churajuna can.
◼ Sordolla gentecuna. Jatun tandanajuipa programataca FM bandapimi sordollacunaca chai localpillata uyai ushanga. Uyangapaj munashpaca shuj uchilla radiotami pilacunahuan, audifonocunahuan apana can.
◼ Huahuacunata apana cochecuna. Huahuacunapa cochecunataca na apanachu can. Shinapash, asientopi churashpa huahuacunata tiachinalla sillacunata charishpaca apanallami can.
◼ Perfumecuna. Jatun tandanajuicunata shinana ashtaca localcunapica huaira maita yaicunaca na tianllu. Huaquingunaca alergiacunata o imapash ungüicunatami charin. Chaimandami, paicunapi preocuparishpa na yapa perfumeta o coloniata churarina canchi (1 Cor. 10:24).
◼ Sírvase visitar (S-43) hoja. Jatun tandanajui punllacunapi gentecunahuan Bibliamanda parlashpa, ashtahuan yachajungapaj munajpica Sírvase visitar hojapimi paipa shutita, direccionda anotana canchi. Chai hojataca Departamento de Publicacionesmanmi cuna can o jatun tandanajuimanda tigrashca jipami chai hojataca congregacionbi secretarioman cuna can.
◼ Restaurantecuna: Restaurantecunapipash ali portarishpami Jehová Diospa shutita alabanchi. Jesusta ali catijcuna cashcamandaca na maipash cachun churajushpa rinachu canchi.
◼ Servicio voluntario. Ayudangapaj munashpaca, Departamento de Servicio Voluntarioman rinallami canchi. Nara 16 huatacunata charijcunapash ayudanallami can. Shinapash paicunataca taitamamacuna o shuj huauquimi ricuriana can.