¿Picunata Jehová Diospa munaita ruranajun?
1. ¿Picunata Jehová Diospa munaita ruranajun? folletotaca ¿ima horamandata yachajui callarishun? Chai folletota yachajunaca ¿imashinata ñucanchitapash ayudanga?
1 20 de julio semanamandaca ¿Picunata Jehová Diospa munaita ruranajun? folletotami Diospa Shimimanda Yachajungapaj tandanajuipica yachajushun. Cai folletoca “Shunguta cuidashunchi” nishca Quimsa Punlla Jatun Tandanajuipimi llujshirca. Cai folletomi Bibliata yachajujcunataca Jehovapa organizacionman quimirichun ayudanga. Ashtahuangarin cai folletota yachajunami ñucanchitapash Jehovapa organizacionbi canata ashtahuan alicachichun, chai folletota ashtahuan rijsishpa ali yachachichunbash ayudanga (Sal. 48:13).
2. ¿Imashinata cai folletotaca yachajushun?
2 ¿Imashinata yachachina can? Diospa Shimimanda Yachajungapaj tandanajuipi yachachijuj huauquica cada semanapi mashna leccionda yachachina cashcata ricushpami, tiempotaca cada leccionba aliguta separana can. Folletopica 28 lecciongunami tian. Cada leccionda yachachigrijushpaca titulota liishpami callarina can. Chai jipami lectorca callari parrafota liina can. Liishca jipaca yachachijuj huauquimi chai parrafopa shuj tapuita rurana can. Yanalla letracunahuan callarinajuj parrafocunataca shuj shujllami liina can. Cada parrafota liishca jipami yachachijuj huauquica tapuna can, cai parrafoca ¿imashinata titulopi tapuita contestachun ayudan? nishpa. Mashna tiempo tiajta ricushpami minishtirishca textocunatapash liina can. Folletopi ashtaca dibujocuna tiashcamandaca chai dibujocunamandapash comentanallami can. Shinallata, nara chaishuj leccionman yalishpallatami, yachachijuj huauquica lección urapi tiajuj tapuicunata liishpa shuj repasota rurana can. “Caita rurapangui” nishca recuadro tiajujpica, lectorta liichishpami tucuicunata tapuna can: Caipi sugerenciata pactachinaca ¿imashinata Bibliata yachajujtaca ayudanga? nishpa. Tucuri repasota rurangapaj tiempo tiajpica titulocunapi tiajuj tapuicunatami cutin rurana can. Shinapash yaripangui, cai tucui yuyaicunata catishpa gentecunaman yachachinaca na minishtirinllu.
3. Tucuicunallata cai folletota aliguta yachajungapaca ¿imatata rurana capanchi?
3 Tucuicunallata cai folletota aliguta yachajungapaca aliguta prepararishunchi, comentariocunatapash cupashunchi. Yachajunajushpaca pensaripashunchi: ¿Imashinata caipi yuyaicunaca Bibliata yachajujcunata ayudanga? nishpa. Cai folletota yachajushpami shujcunataca paicunapash Diospa munaita rurashpa para siempre causana esperanzata charichun ayudai ushashun (1 Juan 2:17).