Tapuicuna

◼ Shuj panigu pimanbash huasi pungupi Bibliamanda yachachijushca horas shuj huauqui cumbajujpica ¿paniguca umata quilparinachu can?

Shuj pani pimanbash Bibliamanda yachachijushca horas shuj huauqui chaipi cajpica, chai paniguca umata quilparinami can (1 Cor. 11:​3-​10). La Atalaya del 15 de julio de 2002, página 27pica ninmi: “Cada semana Bibliamanda yachachijushpaca congregacionmanda shuj tandanajui cuendami can. Chaimandami shuj bautizarishca huauqui cumbajujpi Bibliamanda yachachijushpaca panigucunaca umata quilparina can” nishpa. Shinaca huasi ucupi, canllapi o maipi yachachijushpapash paniguca umata quilparinami can.

Shinapash nara seguro estudiajujpica paniguca na umata quilparinachu can. Shinallata, Bibliamanda imashina yachajuna cashcata ricuchingapalla visitajushpa o Bibliamanda yachachi callaringapaj shuj publicacionda utilizajushpaca, paniguca na umata quilparinachu can. Gentecuna yachajui callarichunga huaquinbica cutin cutinmi visitana tucun. Chaimandami publicadorcunaca ima horas panigucuna umata quilparina cashcataca ali yachana can.