Ashtahuan aliguta villachishunchi: pungupi villachijushpallata Taita Diosmanda ali villaigucuna folletohuan yachachi callarishunchi
¿Imamandata importante can? Gentecuna Jesuspa yachajujcuna tucuchunga aligutami yachachina canchi (Mat. 28:19, 20). Publicaciongunata aliguta utilizashpaca tucuicunallatami ali yachachi ushashun. Diosmanda ali villaicuna folletoca alipachami can. Chai folletomi pungupi villachijushpallata Bibliata yachachi callarichun ayudan.
Cai quillaca caita rurapashunchi:
Shujcunaman yachachina munaita charingapaca Jehovata mañapangui. Jehovataca Bibliata yachachi callaringapaj, aliguta yachachingapaj ayudahuangui nishpa mañapangui (Filip. 2:13).
Imata ninataca Familiahuan Adorana Tutapi o estudio personalta rurajushpa repasapangui. Shinami na manllashpa parlaita ushapangui, pungupi villachijushpallata Bibliatapash ashtahuan jahualla yachachi callaripangui.