Ashtahuan ali villachinata yachajungapaj
1. “¿Imatata testigo de Jehovacunaca nin?” nishca temacunaca ¿imashinata ayudan?
1 Villajun revistapimi huaquin quillacunaca “¿Imatata testigo de Jehovacunaca nin?” nishca tema llujshin. Cai temaca Bibliapi yachachishcacunata gentecuna aliguta chasquichun, shinallata gentecunahuan aliguta parlachunmi ayudan (1 Ped. 3:15). Shinaca cai temacunata imashina aliguta aprovechana cashcata ricupashun.
2. “¿Imatata testigo de Jehovacunaca nin?” nishca temacunataca ¿imashinata utilizana capanchi?
2 Villachingapaj alimi can. “¿Imatata testigo de Jehovacunaca nin?” nishca tema Villajun revistapi tiajpica huaquin revistacunata alichishpaca alimi canman. Shinami villachijujpi pipash tapujpi, ñucanchihuan yachajujcuna tapujpi o na uyangapaj munajpica chai revistata saqui ushashun. Munajpica chai temahuan yachachinallami can. Chai revistata na charishpaca Internetpi jw.org direccionmanda llujchinallami can.
3. ¿Imashina yachachinata ali cashca?
3 ¿Imashinata cai temacunahuan yachachinalla can? Huaquin publicadorcunaca Testigo parlashcatami liin. Cutin yachangapaj munajcunaca gentecuna parlashcatami liin. Shina ruranami gentecuna ama pingai tucushpa aliguta yachajuchun ayudan (Deut. 32:2).
4. Cai temacunamandaca ¿imatata yachajui ushapanchi?
4 Yachajungapapash yachachingapapash alimi can. Cai temacunapica Bibliapa textocuna, ejemplocuna, na uyangapaj munajpi publicador ima nijta, ima shimicunahuan parlanatami ricuchin. Chaicunata liishpaca chai ejemplota catishpa villachingapaj esforzaripashunchi (Prov. 1:5; 9:9). Shuj paniguca nircami: “Cai temacunata liishpaca shuj ali precursor parlajujta uyajuj cuendami can” nishpa.
5. Ñucanchihuan yachajujcunapash aliguta yachachinata yachajuchunga ¿imashinata ayudaita ushapanchi?
5 Cai temacunahuanga ñucanchihuan yachajujcunatapash ayudanallami canchi. Liijushpaca paicuna publicador tucushpa liichun mañapashunchi. Shinami paicunapash paicunapa crishcacunataca respetohuan aliguta parlanata yachajunga (Col. 4:6). Imashinami ricupanchi Jehová Diosca cashna ali temacunahuanmi ashtahuan aliguta villachichun ayudajun (2 Tim. 4:5).