1914 huatamanda tapujpica ¿imashinata aliguta intindichishun?
Bibliapica ninmi, pi imata nijpipash imata tapuchijpipash ‘ama jariyashpa ali shunguhuan tigrachinguichi’ nishpa (1 Ped. 3:15). Shinapash Bibliapa shinlli yachachishcacunata aliguta intindichinaca shinllimi can. 1914 huatapimi Jesusca mandai callarirca nishpa gentecunaman intindichinaca ¿nachu shinlli cashca? Chai temamanda parlana shinlli cajpimi octubre, noviembre quillacunataca La Atalaya revistapi “Conversaciones con un testigo de Jehová nishca temacuna llujshishca. Chaipica ¿Cuándo comenzó a gobernar el Reino de Dios? nishca tapuimi tiajun. Chai revistacunahuanmi octubre, noviembre quillacunapica villachinajushun. Chai temacunata liijushpaca huauqui Julio imashina Ernestoman intindichijta ricushpa pensaripangui:
¿Imashinata...
... Ernestopa yuyaita catishpa parlarca, felicitarcapash? (Hech. 17:22.)
... Bibliapi yachachishcataca na jariyashpa intindichirca? (Hech. 14:15.)
¿Imamandata...
... punda yachachishcata yarichishpara shuj mushuj yuyaita yachachinaca ali carca?
... Ernesto ali intindijujta yachangapaca huaquinbi huaquinbica tapuicunata ruranaca ali carca?
... cada viaje ashagu ashagulla yachachinaca ali carca? (Juan 16:12.)
Jehová Diosca ‘ali yachachij Diosmi’ can (Job 36:22). Yachajungapaj munaj gentecunaman Bibliapi shinlli yachachishcacunata intindichichun Jehová Dios ayudajushcamandaca tucui shunguhuanmi agradicinchi.