Ashtahuan aliguta villachishunchi: culira gentecunahuan aliguta parlashunchi

¿Imamandata minishtirishca can? Villachijujpica ashtaca gentecunaca alimanmi uyan. Shinapash huaquin gentecunaca, Jesús nishca shinami ñucanchitaca millanayachishpa ricun (Juan 17:14). Chaimandami culira gentecunahuan huaquinbi parlana tucushpaca na manllarina canchi. Chaipa randica Jehová Diosmanda parlajushcata yarishpami Jehová munashcashna parlana canchi (Rom. 12:17-21; 1 Ped. 3:15). Culira cajpipash aliguman contestashpami fiñanajuimanga na yaicushun. Ashtahuangarin, aliguman parlajta ricushpami culira gentecunapash, carullamanda ricujuj gentecunapash jipamanga tal vez uyangapaj munanga (2 Cor. 6:3).