Introducción a la Palabra de Dios folletota utilizashunchi
1. Villachinapi ayudachunga ¿ima mushuj publicaciondata charipanchi?
1 Chairallami Introducción a la Palabra de Dios nishca folleto llujshirca. Bibliapi temacunamanda parlangapaca tauca textocunatami charin. Chai folletoca Razonamiento libroshnallatami can. Chaimandami chai folletoca aliguta villachi callaringapaj alipacha ayudan. Shinaca ¿imashinata chai folletota utilizana capanchi?
2. Villachijushpaca ¿imashinata Introducción a la Palabra de Dios folletota utilizai ushapanchi?
2 Chai folletopi tapui 8ta catishpami nita ushapanchi: “Gentecunahuan ashaguta parlashpami cuenta japipashcanchi, gentecunaca yanmi Taita Diospa culpamandami ashtaca llaquicuna tian nishpa. [Huaquin pushtucunapica chai tapuita folletopillata ricuchinami ashtahuan ali cashca.] ¿Imatata quiquinga pensapangui? [Contestachun saquipangui.] Bibliapi ima nijta ricupai” nishpa chai tapuipi tiajuj textocunamanda shuj o taucalla textocunata liishpa chaicunamanda parlapai. Gentecuna ashtahuan uyangapaj munajpica, chai folletopa callari paginapi 20 tapuicunata ricuchishpa shuj punlla tigranata parlapai. Shinallata, Bibliamanda yachachingapaj ayudaj publicaciongunata saquishpa parlanajushca temamanda imata yachachijta parlapangui.
3. ¿Imashinata cai mushuj folletoca Jesuspi na crij gentecunaman villachichun ayudan?
3 Tapui 4, shinallata tapui 13-17ca Jesuspi na crij gentecunaman villachingapami alipacha ayudan. Shuj ejemplota ricupashun. Tapui 17pi yuyaita catishpami nita ushapanchi. “Tucuilla familiacunatami shuj ratoguta visitanajupanchi. Cunanbica ashtaca familiacunami ashtahuan llaqui apanajun. Quiquinga ¿imatata nipanguiman? [Contestachun saquipangui.] Ashtaca cusahuarmicunaca cai shimicunata pactachingapami munan: ‘Ali yuyaj huarmica cusata alicachishpami cazun’ nishpa. [Cai shimicunaca Efesios 5:33mandami can ninaca na minishtirinllu. Huarmi gentehuan parlajushpaca tal vez Efesios 5:28manda parlanami ashtahuan ali canman.] ¿Cai shimicunata pactachinaca cusahuarmicuna ali causachun ayudanlla? ¿Imatata nipanguiman?” nishpa tapupangui.
4. Jesuspi na crij gentecunahuan ña parlai tucuchijushpaca ¿imatata rurai ushapanchi?
4 Ña parlai tucuchijushpaca cai temamandallata parlashpa catingapaj shuj punllagupash shamupashami nipangui. Tigrashpaca tapui 17pi tiajuj shuj textomandapash parlapangui. Alicachinashnalla cajpica cai ali yuyaicunaca Bibliamandami can nipangui. Imata parlashcata yarishpa, Bibliamanda imata pensajta ricushpa pai alicachina publicacionda ricuchipangui. (Nuestro Ministerio del Reino diciembre de 2013 hojapi 3-6 paginacunata ricupangui.)