Ashtahuan aliguta villachishunchi cutin visitangapaca ¿imatata rurana canchi?

¿IMAMANDATA MINISHTIRISHCA CAN?

Villachijujpi ali uyajpica shuj plantagupi yacuta churashpa catinshnami cutin visitashpa catingapaj munanchi (1 Cor. 3:6). Cutin visitangapaca shuj tapuitami saquina canchi. Shinami gentecunaca yachana munaihuan shuyanga, ñucanchipash imata ninata preparari ushashun. Cutin tigrashpaca nita ushanchimi: “Caina viaje parlanajurcanchi tapuimanda parlangapami shamuparcani” nishpa.

¿IMASHINATA PREPARARISHUN?

• Huasin huasin villachingapaj prepararijushpaca, cutin visitangapaj maijan tapuita saquinatapash pensaripangui. Chai tapuitaca quiquin saquisha yajungui publicacionbillata, Bibliamanda yachachina publicaciongunapillatami mascai ushapangui. Shinami cutin tigrashpaca, chai publicacionbi ricuchishpa quiquin rurashca tapuimanda parlai ushapangui.

• Ali uyashca cajpica ña parlai tucuchijushpami quiquinhuan parlashpa catingapami munapani nishpa quiquin pensashca tapuita saquina capangui. Usharijpica shutita, maipi cutin tarinata tapupangui.

• Chai horasmi tigramusha nishca cashpaca chai horasmi tigrana capangui (Mat. 5:37).