Llaquicunapi cashpapash siempremi Jobca Jehovata tucui shunguhuan cazurca

Israelitacuna Egiptopi esclavo cashca punllacunapimi Jobca Uz nishca llactapi causarca. Na israelita cashpapash tucui shunguhuanmi Jehovataca adoran carca. Paica ashtaca huahuacunatami charirca. Charij charijmi carca. Ali yuyaj, alita ruraj cajpimi chai llactamanda gentecunaca Jobta respetan carca. Pobre gentecunatapash na mitsashpami ayudan carca. Jobca siempremi Jehovata cazurca.

Jobca paipa tucui causaipimi Jehovata pundapi churarca

1:8-11, 22; 2:2-5

• Diabloca Jehovata Job tucuipi cazujujtaca alimi ricujurca. Chaimandami Jobtaca juchachirca, Jobca Jehovata cazushpapash na tucui shunguhuan cazujunllu nishpa.

• Satanasca nircami, Jobca Taita Dios bendiciajpillami sirvijun nishpa.

• Diablo llullajujta ricuchingapami, Jehová Diosca Jobta Diablo llaquichichun saquirca. Shinami Diabloca tucuipi Jobtaca ashtacata llaquichirca.

• Jehovata Job tucuipi cazushpa catijpimi, Diabloca tucuilla gentecunata juchachirca, gentecunaca bendiciajpillami Taita Diostaca sirvinajun nishpa.

• Jobca Taita Diosmandaca ima nalitapash na nircachu. Paipa llaquicunamandapash Taita Diostaca na culparcachu.