¿Imatata Bibliaca yachachin? librohuanga ¿imashinata yachachishun?

¿Imatata Bibliaca Yachachin? libroca jahualla intindirinalla shimicunapimi can. Página 207manda vichaimanga “Notacuna” nishca partemi tian. Chaipica capitulocunapi ricurishca huaquin shimicunata, yuyaicunatami intindichijun. Cada capítulo jipaca “¿Imatata yachajushcanchi?” nishca partepimi tian. Chai partepica capitulopi imata yachajushcatami Bibliapa huaquin textocunahuan intindichijun. ¿Imatata Bibliaca Yachachin? librotaca ima horapash gentecunaman saquinallami canchi. Shinapash ¿imashinata cai librohuanga yachachishun?

¿IMATATA YACHAJUSHCANCHI? Testigo de Jehovacunaca parrafocunata liishpa tapuicunata rurashpami yachachinchi. Shinapash huaquin gentecunaca na ali liita ushanllu. Chaimandami “¿Imatata yachajushcanchi?” nishca partemanda yachachita ushanchi. Capitulocunataca yachajujcuna paicunalla cashpa liichunmi animaita ushanchi. “¿Imatata yachajushcanchi?” nishca partepa cada yuyaitaca más o menos 15 minutocunapimi yachachita ushanchi. “¿Imatata yachajushcanchi?” nishca parteca na ashtaca shimicunata charinllu. Chaimandami publicadorca aliguta prepararina can. Cada yachajuj imashina cajta yarishpami publicadorca prepararina can. Cutin, tucui parrafocunata liichishpa yachachijushpaca, “¿Imatata yachajushcanchi?” nishca parteta utilizashpami publicadorca shuj repasota rurai ushan.

NOTACUNA. Caipi shimicuna, yuyaicunaca según maijan capítulo cashcapimi tiajun. Capitulocunata yachachijushpaca publicadormi ricuna can, notacunamanda yachachinata o na yachachinata.