Huahuacunataca Tucuita Ruraj Diospi tucui shunguhuan crichun ayudapangui

Cai Alpapi rurashcacunata ricushpami Jehová Diosca alipacha ruraj Taita Dios cashcata cuenta japinchi (Sal. 19:1-4; 139:14). Shinapash Diabloca, Taita Diosca na tucuita rurashcachu nishca yuyaicunata churashpami, Taita Diosta pingaichingapaj munan (Rom. 1:18-25). Shinaca chai yuyaicuna quiquinba huahuacunapa yuyaipi, shungupi ama yaicuchunga ¿imatata rurana capangui? Chaipaca Jehová Dios tiajta, paicunata juyajta tucui shunguhuan crichunmi ayudana capangui (2 Cor. 10:4, 5; Efes. 6:16). Escuelapi yachachishcacunamanda imata pensajta ricushpami, huahuacunapa shunguman chayangapaca, ñucanchi charishca shuj shuj publicaciongunahuan ayudana capangui (Prov. 20:5; Sant. 1:19).

JOVENGUNACA CAITAMI YUYAN: TAITA DIOSPI CRINA VIDEOTA RICUSHCA JIPACA, CAI TAPUICUNATA CONTESTAPANGUI:

• Taita Diospi crinamanda parlashpaca ¿imatata gentecunaca nin?

• Quiquinba escuelapi o colegiopica ¿imatata yachachin?

• ¿Imamandata Jehová Dios ciertopacha tiajta cripangui?

• Taita Dios tucuita rurashcata crichunga ¿imashinata shujcunataca ayudai ushapangui?