‘Jahua pachatapash, cai pachatapash mushujta rurajpimi’ cushijui tian

Isaías 65​pi nishca shinaca, Jehová Diosca tucuitami mushujta ruranga. Chai shimicuna ciertopacha pactarina cajpimi, Jehová Diosca ña pactarishcapishna chai shimicunataca parlajun.

‘Jahua pachatapash, cai pachatapash’ Jehová Dios ‘mushujta rurajpica, punda ima tucushcacunaca cungashcami canga’

65:17

‘Jahua pachatapash’ mushujtami rurasha nishpaca ¿imatata nijun?

• Shuj mushuj gobierno alita rurashpa mandajpi, cai Alpapi ali causai tianatami shina nijun.

• Cai mushuj gobiernoca 1914 huatapimi mandai callarirca. Chai huatapimi Jesusca Diospa Reinopi mandangapaj autoridadta chasquirca.

‘Cai pachatapash’ mushujtami rurasha nishpaca ¿imatata nijun?

• Shuj shuj llactacunamanda, shuj shuj shimita parlaj gentecunamandami parlajun. Chai gentecunaca Jesús jahua pachamanda mandajujpimi cushijushpa cazunga.

¿Imamandata nin, ‘punda ima tucushcacunaca cungashcami canga’ nishpa?

• Ima ungüicunapash, ima llaqui pensamientocunapash ñana tianatami shina nin.

• Jehová Diosta cazujcunaca cushijushpami causanga. Cada punlla juyailla causaita charishcatami yarishpa causanga.