‘Caitami yarina canguichi’

¿Ima cosascunata yaria cana capanchi? Filipenses 4:8​pimi ima cosascunapi pensarina cashcata ricuchijun. Cashnami nin: ‘Imapipash na llullashpa, imapipash alicachi tucushpa, imatapash nalitaca na rurashpa, aligutallami yarina canguichi. Imatapash ricunayaigutami, alipachami ni tucungapaca aligutalla rurana canguichi’ nishpa. Chaica Bibliapi yachachishcacunatalla pensarishpa causanataca na nijunllu. Shinapash Jehová Dios alicachishca cosascunapi pensarinami ali can. Shinami ali decisiongunata japishpa nali ruraicunapica na urmashun (Sl 19:14).

Ñucanchicuna juchayu caimanda, ‘cai pachapi mandajuj’ Diablo mandajuimandaca nali pensamientocunata fácil saquitaca na usharinllu (2Co 4:4). Shinallata Diablo cai mundota mandajuimandaca televisionbi, radiopi, Internetpi Jehová Dios nalicachishca cosascunatallami ashtahuanbachaca ricuchin. Chaimi ñucanchillata imata ricunata, imata uyanataca ali alimi agllana capanchi. Shinami nali cosascunapi na pensarishpa juchapi na urmashun (Snt 1:14, 15).

JEHOVÁ DIOSMANDA CARUYACHIJ COSASCUNATA SAQUISHUNCHI: NA ALI DIVERSIONGUNATA NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• 

  Chai huauquica ¿imatata celularpica ricun carca? Jipamanga ¿imata pasarca?

• 

  Gálatas 6:7, 8​pi, Salmo 119:37​pi textocunaca ¿imashinata chai huauquitaca ayudarca?