BIBLIAPA ALIGUTA INTINDICHISHCA TEXTOCUNA
Filipenses 4:8 | “Cierto cashca tucui cosascunapimi siempre pensarijuna capanguichi”
“Shinaca huauquicuna, cierto cashca tucui cosascunapimi siempre pensarijuna capanguichi. Shinallata, importante tucui cosascunapi, Taita Diospa ñaupapi ali ricurij tucui cosascunapi, limpio cashca tucui cosascunapi, juyachun ayudaj tucui cosascunapi, respetashca cana tucui cosascunapi, tucui ima ali cashca cosascunapi, alabachun miricij tucui cosascunapimi siempre pensarijuna capanguichi” (Filipenses 4:8, Traducción del Nuevo Mundo).
“Amados hermanos, una cosa más para terminar. Concéntrense en todo lo que es verdadero, todo lo honorable, todo lo justo, todo lo puro, todo lo bello y todo lo admirable. Piensen en cosas excelentes y dignas de alabanza” (Filipenses 4:8, Nueva Traducción Viviente).
Filipenses 4:8pica ¿imatata ningapaj munan?
Ruraicunahuanmi ñucanchi shungu ucupi imata charishcataca ricuchinchi (Salmo 19:14; Marcos 7:20-23). Chaimandami Taita Diosca ñucanchi imata pensajujta yachangapaj munan. Chaimandami Taita Diospa ñaupapi ali ricuringapaj munan gentecunaca Taita Dios munashcashna pensaringapaj esforzarin.
Cai versopi nishcashnaca cristianocunaca ali “cosascunapimi siempre” pensarina can. Shinallata cai versopi nishca ocho cosascunapimi cada punlla pensarina capanchi.
“Cierto cashca cosascunapi pensarina”. Cai shimicunata nishpaca cierto cashca cosascunapi, ali cosascunapi pensarina cashcatami ningapaj munan. Por ejemplo, Bibliapi yachachishcacunapimi pensarina capanchi (1 Timoteo 6:20).
“Importante cosascunapi pensarina”. Caita nishpaca yanga cosascunapi pensaringapaj randica importante cosascunapi pensarinatami ningapaj munan. Cristianocunataca importante yuyaicunapi pensarinami ali cosascunata rurachun ayudan (Tito 2:6-8).
“Taita Diospa ñaupapi ali ricurij cosascunapi pensarina”. Cai shimicunata nishpaca gentecunapa yuyaicunata catishpa imatapash ruranapa randica Taita Dios munashcashna imatapash rurana cashcatami yachachin (Proverbios 3:5, 6; 14:12).
“Limpio cashca cosascunapi pensarina”. Cai shimicunata nishpaca jarihuan, huarmihuan cana pensamientocunamandalla cuidarina cashcatallaca na ningapaj munanllu. Ashtahuangarin ñucanchi pensamientocunahuan ruraicunahuan limpio cana cashcatami ningapaj munan (2 Corintios 11:3).
“Juyachun ayudaj cosascunapi pensarina”. Caita nishpaca shujcunata juyaita ricuchingapaj ali cosascunapi pensarina cashcatami ningapaj munan (1 Pedro 4:8).
“Respetashca cana tucui cosascunapi pensarina”. Cai shimicunata nishpaca shujcuna respetachun munashpaca ali cosascunata rurana cashcatami ningapaj munan (Proverbios 22:1).
“Tucui ima ali cashca cosascunapi pensarina”. Cai shimita nishpaca Taita Diospa mandashcacunaca ñucanchi causaipa ñucanchi yuyaipa alipacha cashcatami ningapaj munan (2 Pedro 1:5, 9).
“Alabachun miricij tucui cosascunapi pensarina”. Cai shimita nishpaca Taita Dios munashcashna pensarishpa rurajpica felicitanami canchi. Ashtahuangarin Taita Diospa rurashcapimi tucuicuna pensarina canchi (Salmo 78:4).
Filipenses 4:8pa ñaupa y cati textocuna
Apóstol Pabloca Roma llactapi preso cashpami Filipos llactapi huauquipanicunaman cai cartataca escribirca. Filipenses cartataca ashtaca llaquicuna tiaurasmi escribishca. Chaimi ashtaca Bibliamanda ali yachajcunaca Filipenses cartataca cushichingapaj carta nishpa rijsin. Por que chai cartapica juyaimanda cushichina yuyaicunamandami parlan (Filipenses 1:3, 4, 7, 8, 18; 3:1; 4:1, 4, 10).
Apóstol Pabloca Filipos llactamanda huauquipanicunataca ninandami juyarca. Chaimandami paishnalla cushilla tranquilo causaiguta charichun munarca (Filipenses 2:17, 18). Chaimandami Filipenses capítulo 4pa tucuri shimicunapica cushilla cachun, imagutapash aliguta pensarishpara rurachun animarca. Shinallata Taita Diosta siempre mañachun, shungu ucupi tranquilo cachun ayuda cosascunata rurachun y Taita Dioshuan ali canata mascachunmi animarca (Filipenses 4:4-9).
Filipenses cartata ashtahuan aliguta intindingapaca cai videotami ricuita ushapangui.