Canticocunamandaca ¿imatata yachajupanchi?

JW Broadcastingbi llujshishca cántico videocunamandaca ¿maijandata ashtahuan gushtapangui? ¿Imamandata gushtapangui? ¿Cántico videocunaca causaipi imapacha pasashcatachu ricuchin? ¿Imata yuyapangui? Shuj shuj yuyaicunamanda, shuj shuj tunucunatapashmi charin. Chaimi maijandapash gushtashun. Shinapash canticocuna, cántico videocunapash uyashpa cushilla yalingapallaca na canllu.

Ñucanchi causaipapash, aliguta villachingapapashmi canticocunapica ali consejocuna tian. Canticocunapica mingachinamanda, tandanajushca canamanda, amigocunamanda, na manllanamanda, juyanamanda, tucui shunguhuan crinamanda, Jehovata cutin sirvinamanda, perdonanamanda, Jehovata siempre cazunamanda, Jehovata ashtahuan sirvinamanda, shinallata celularta aliguta utilizanamandapashmi parlan. Canticocunamandaca ¿imatata yachajupashcangui?

TUCUITA RURASHCAMANDA PAGUI JEHOVÁ NISHCA CÁNTICO VIDEOTA RICUSHCA JIPACA, CAI TAPUICUNATA CONTESTAPANGUI:

• Chai jovenguna Jehová Diospaman quimirichunga ¿imata ayudarca?

• Jehová Dios rurasha nishcacuna pactarinata yaipi charichunga ¿imashinata Jehovapa rurashcacunaca ayudaita ushan?

• Jehová Diospa rurashcacunamandaca ¿imashinata agradicishca cashcata ricuchi ushapanchi?

• Jehová Diospa rurashcacunamandaca ¿imatata ashtahuan gushtapangui?