Estudiangapaj consejocuna
Canticocunata de memoria yachajupai
Estados Unidosmanda Lorraine paniguca: “Desanimarishca cajpica Jehová Diosca JW Broadcastingbi® llujshishca canciongunahuanmi ñucataca animahuan” ninmi.
Cristianocunaca Jehová Diostaca siempremi canticocunata candashpa alabashca (Col. 3:16). Cai canticocunata de memoria yachajushpaca shuj cántico librota, shuj telefonota o shuj tabletta na charishpapashmi candaita ushapangui. Ñucanchi canticocunata, canciongunata de memoria yachajui ushangapaca cai consejocunatami catita ushapangui:
Canticocunapa letracunata liingapaj, intindingapaj tiempota llujchipai. Imagutapash intindishpaca ashtahuan jahuallami yaripanchi. JW.ORG paginapimi ñucanchi canticocunapa tucui letracuna tian. JW Broadcasting programapi llujshishca canciongunapa letracuna, huahuacunapa llujshishca canciongunapa letracunapashmi tian. Caicunata taringapaca jw.org paginaman rishpa “Publicacionguna” nishca parteman rishpa jipaca “Canticocunata” nishca partepi llapipangui.
Shuj hojagupi chai canticocunapa letrata escribipangui. Shinami canticocunata de memoria yachajui ushapangui (Deut. 17:18).
Uyarijta candashpa yachajupai. Canticocunapa letrata cutin cutin liishpa o candashpa repasapangui.
Mashnata memorizai ushashcata ricupangui. Letracunata de memoria yaringapaj esforzaripai y jipamanga mashnata yari ushashcata ricupangui.