¿Picunatata ashtahuanbachaca invitai ushani?

Jesús Huañushcata Yarina Tandanajuimanga cada huatami ñucanchihuan tandanajuchun tucui gentecunata invitapanchi. Ashtahuanbachaca na rijsishca gentecunatami invitapashun. Shinapash ñucanchi rijsicunatapashmi invitana capanchi. Ñucanchi rijsicunata invitashpaca paicunami más seguro ñucanchi tandanajuimanga shamunga (yb08-S 11 párr. 3; 14 párr. 1). ¿Picunatata invitai ushapanchi?

• Ñucanchi familiacunata.

• Trabajomanda o escuelamanda ñucanchi cumbacunata.

• Ñucanchi vecinocunata.

• Ñucanchi revisitacunata, Bibliamanda yachajujcunata o ñucanchihuan punda Bibliata yachajushcacunata.

Diosmanda caruyashca huauquipanicunataca, ancianocunami tandanajuimanga invitanga. Shinapash quiquinba rijsita invitangapaj munashpa pero shuj ladopi causashpaca ¿imatata ruraita ushapangui? Quiquinba rijsi maipi causajushca direccionda mascapangui. Shinallata Jesús Huañushcata Yarina Tandanajui maipi canata ricupangui. Chaipaca jw.org paginapi ÑUCANCHIMANDA nishca partepi yaicushpa, “Jesús Huañushcata Yarina Punlla” nishcapi ricupangui. Chai punlla chayangacamanga picunata invitangapaj munashpaca invitapanguilla.