Huata 33pi Pascua fiestata rurangapami Pedro y Juanga preparanajun.
JESUSPA CHAQUITA CATISHPA CAUSASHUNCHI
Jesús Huañushcata Yarina Punllapaca ¿ñachu segurarinajupanchi?
Jesusca ñalla huañunata yachashpami Pascua punllataca paipa apostolcunahuan rurangapaj munarca. Shinallata chai punllamanda vichai paipa huañuna punllata yarichun mandangapami apostolcunahuan tandanajurca. Chaimi Jesusca Pascuata rurangapaj shuj cuartota segurachun Pedrota y Juandaca mandarca (Lu 22:7-13; callari paginapi fotota ricupangui). Caica 27 de marzota Jesuspa Huañushca Punllata Yarina tandanajuipa segurarina cashcatami yachachin. Congregaciongunapica pi discursota cunata, pi tandata y vinota apana cashcata, shinallata pi shuj cosascunata ruranataca ña ricushcallami canga.
Jesús huañushcamanda agradicipashunchi. Jesús Huañushcata Yarina Punllapa liina textocunapi pensaripashunchi. Maijan textocunata liina cashcata yachangapaca Cada punlla Diospa Shimita intindingapaj nishca folletopimi ricuita ushapanchi. Shinallata La Biblia. Traducción del Nuevo Mundo Bibliapi apéndice B12a y B12bpipash y Abril del 2020pa Tandanajuipi Yachajungapaj hojapipashmi ricuita ushapanchi. Familiahuan Jesús huañushca imamanda importante cashcata ashtahuan yachajungapaj munashpaca Índice de las publicaciones Watch Tower nishcata, y Guía de estudio para los testigos de Jehová nishcata ricupangui.
Gentecunata invitashunchi. Jesús Huañushca Punllata Yarina tandanajuiman invitangapaca tucui usharishcaguta rurapashunchi. ¿Picunatata invitai ushapanchi? Ñucanchi revisitacunata, Bibliata yachajunata saquishcacunata, familiacunata, rijsicunatami invitai ushapanchi. Huauqui ancianocunami inactivo huauquipanicunataca invitana can. Pipash shuj llactamanda cajpica maipi, ima horas canata yachangapaca Internetpi jw.org paginapimi ricuita ushapanchi. Chaipaca ÑUCANCHIMANDA “Jesús Huañushcata Yarina Punlla” nishca partepi ricuita ushapanchi.
Jesús Huañushcata Yarina Punllapa listo cangapaca ¿ima ashtahuanda rurai ushapangui?