JESUSPA CHAQUITA CATISHPA CAUSASHUNCHI
Napash cierto villaicunataca na shujman shujman villajunachu capanchi
Cunanbica radiopash, televisionbash, periodicopash, Internetpash tiaimandami ashtaca ashtaca gentecunaca imapash noticiacunataca ñapash yachai chayan. ‘Na llullaj Mandaj Taita Diosta’ sirvijcunaca imapash na cabal noticiacunata o villaicunataca na villangapaj munapanchichu (Sl 31:5; Éx 23:1). Shina rurashpaca ninandami shujcunataca llaquichita ushanchi. Imapash noticiacuna o villaicuna cierto o na cierto cajta yachangapaca cashnami tapurina capanchi:
¿Pipash imatapash villajpica crinallachu capanchi? Huaquinbica na cabalta yachashpatami gentecunaca imatapash villan. Shinallata imatapash shujman shujman villashpaca siempremi gentecunaca mirachishpa o na cabalta parlan. Shinaca imatapash uyashpaca na ñapashchu crinalla capanchi. Shinallata congregacionda ñaupaman pushaj huauquicunaca imapash noticiata o villaita ali yachashparami cabalta villana can.
¿Chai noticia o villaica pitapash llaquichingacha? Shina cashpaca na pimanbash parlajunachu capanchi (Pr 18:8; Flp 4:8).
¿Tucuitachu crina capanchi? Pipash imagutapash na crinaita parlajpica na tucuita crinallachu capanchi.
SHUJCUNAMANDA YANGATACA NA PARLANACHU CANGUI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:
Proverbios 12:18pi nishcashnaca ¿imashinata ñucanchi rimashcaca shujcunata llaquichita ushan?
Filipenses 2:4pi nishca shimicunaca ¿imashinata shujcunamanda parlagrijushpaca aliguta pensarishpara parlachun ayudan?
Pipash shujcunamanda nalicunata parlai callarijpica ¿imatata rurana capanchi?
Shujcunamanda nara parlashpallata ¿ima tapuicunapita pensarina capanchi?