Familia ucupi juyaita ricuchipashunchi

Familia ucupi paicunapura juyarishpallami cushilla, tandanajushca caita ushanga. Cusacuna, huarmicuna o taitamamacunaca ¿imashinata familia ucupi juyaita ricuchita ushan?

Ali cusaca paipa huarmigu imata rurai ushajta, imata na rurai ushajta, imata pensajta, imashna sintirijta ricushpami juyaihuan tratan (Ef 5:28, 29). Cusaca familiataca aligutami mantinina can. Shinallata Taita Diosmanda yachajuchunmi Familiahuan Adorana Tutataca siempre familiahuan charina can (1Ti 5:8). Ali huarmiguca paipa cusata tucui shunguhuan respetashpami cazun (Ef 5:22, 33; 1Pe 3:1-6). Cusahuarmicunaca randimandami perdonarina can (Ef 4:32). Ali taitamamacunaca huahuacunataca ali cuidashpami Jehová Diosmandapash yachachin (Dt 6:6, 7; Ef 6:4, TNM). Quiquimba huahuacunaca escuelapi o colegiopica ¿ima problemacunatata charin? Shujcuna imapash nalicunata rurachun atichinajujpica paicunaca ¿imatata ruran? Familia ucupi randimanda juyaihuan tratarishpaca tucuicunallatami cushilla sintiringa.

FAMILIAPI JUYAITA RICUCHINATACA IMAHORAPASH NA SAQUINACHU CAPANCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• 

  ¿Cusaca imacunatalla rurashpata huarmiguta juyaihuan cuidashcata ricuchin?

• 

  Cusata respetashcataca ¿imata rurashpata huarmigucunaca ricuchin?

• 

  Taitamamacunaca Jehová Diosmanda huahuacunaman yachachingapaca ¿imatata ruran?