Taita Diosca ¿ñucanchi mañaicunata uyanllu?
Quiquin Taita Diosta mañajushpaca ¿Taita Dios uyanbacha yashpachu mañapangui?
BIBLIAPICA ¿IMATATA YACHACHIN?
Taita Diosca quiquindaca uyanmi. Bibliapica “Mandaj Diosca, tucui yuyaihuan paita mañajcunata ayudangapaca ladopimi [...]. Shinallata paicuna caparishpa mañashcatapash” uyanmi ninmi (Salmo 145:18, 19).
Taita Diosca paita mañachunmi munan. Bibliapica “Taita Diosmanmi, imatapash villashpa ninanda mañana canguichi. Tucui imamandapash pashi nishpa mañaichilla” ninmi (Filipenses 4:6).
Taita Diosca quiquinmandaca preocuparinmi. Taita Diosca, quiquin ima problemacunata charijta yachashpami quiquindaca ayudangapaj munan. Bibliapica “Diosmi cangunataca cuidajun. Shina cajpimi ima llaqui japijpipash, paiman mingashpa saquina canguichi” ninmi (1 Pedro 5:7).