¿Cai yuyaicunata yaripanguichu?

Cai quillacunapica Villajun revistapica cai temacunatami yachajupashcanchi. Imata yachajushcata yarishpa contestapai:

Jehová Diosta mañangapaj, paipa yachachishcacunata uyangapaj, paipi pensaringapaj tiempota llujchinaca ¿imapata ayudan?

Ali decisiongunatami agllai ushashun, ñucanchillata ali yachachijcuna tucushun, Jehová Diospi tucui shunguhuan crishun y Jehová Diostami ashtahuan juyashun (w22.01, páginas 30 y 31).

Jehová Diospi y pai nombrashca huauquicunapi confianaca ¿imamandata ali can?

Cunanmandallatami Jehová Dios tucuita aliguta rurajujta tucui shunguhuan confiana capanchi. Ninan manllanai llaqui punllacuna chayamujpica Jehová Diosca ñaupaman pushaj huauquicunata utilizashpami ñucanchimanga instrucciongunata cunga. Y chai instrucciongunaca ñucanchipa ricuipica talvez nalishnallami ricurita ushanga. Pero chai horascunapica cai instrucciongunaca ciertopachachu Jehovamanda shamun o huauquicunapa munaillacha cai decisiongunataca japishca nishpa pensajuna tiempoca na cangachu (w22.02, páginas 4 a 6).

Shuj angelca ¿imamandata Zacariasmanga plomadatapash, Zorobabel runa charijujtami ricunajunga nirca? (Zac. 4:8-10).

Chai shayachigrinajushca templo huasi, Salomón rurashca templo huasihuan na igual cashpapash, Taita Diospa ñaupajpi ali ricurijushcata yachachunmi Jehová Diospa angelca judiocunamanga villarca (w22.03, páginas 16 y 17).

¿Imamandata ñucanchi parlashcacunapipash shuj ali ejemplo cana canchi? (1 Tim. 4:12).

Predicacionbi nali tratajpipash siempremi respetohuan, ali tratana capanchi. Tandanajuicunapica tucui shunguhuan candangapaj, comentangapami esforzarina capanchi. Na llullashpami cushichishpa, animachij shimicunahuan parlana capanchi. Y groserota rimanatapash saquinami capanchi (w22.04, páginas 6 a 9).

¿Imamandata Apocalipsis 13:1, 2​pi parlashca manllanai animalca Daniel capítulo 7​pi parlashca chuscu animalcunashna (gobiernocuna) cashcata ricuchin?

Apocalipsis capítulo 13​pi parlashca manllanai animalca shujlla llactapica na poderta charinllu. Ashtahuangarin ashtaca llactacunapimi poderta charin. Cai manllanai sacha animalca cunan punllacunacaman mandashpa shamushca gobiernocunatami ricuchijun (w22.05, página 9).

¿Imata rurashpata Jehová Dios alita ruranapi confianajushcata ricuchinchi?

Pipash ñucanchita nali tratajpi o llaquichijpica ama resentido quidangapaj, na vengarishpa Jehovapa maquipi saquingapami esforzarinchi. Shamuj punllacunapimi Jehová Diosca ñucanchi problemacunataca arreglanga (w22.06, páginas 10 y 11).

Reunionbi shuj huauquita oracionda rurachun mañajpica ¿imatata yaipi charina can?

Oracionda rurajushpaca huauquipanicunata consejangapaj o imapash villaicunata ningapaca na canllu. Reunión callarijujpi mañagrijushpaca na ‘unai unaita mañanachu’ can (Mat. 6:7) (w22.07, página 24).

“Nalita rurashcacunaca juzgai tucungapami causaringa” nishpaca ¿imatata ningapaj munan? (Juan 5:29).

Paicunaca nara huañushpallata ‘rurashca’ cosascunamandaca na juzgai tucungachu. Paraíso alpagupi cashpa rurashca cosascunamandami juzgai tucunga (w22.09, página 18).

Septiembre de 1922​pi shuj asambleapica ¿imatata huauqui Joseph Rutherfordca villarca?

Cedar Point llactapi shuj asambleapimi huauqui Rutherfordca: “Jesús Rey cashcata y paipa gobiernomanda villaichi, villaichi, villaichi” nirca (w22.10, páginas 3 a 5).

Isaías capítulo 30​pi nishcashnaca aguantashpa catichunga ¿imashinata Jehová Diosca ayudan?

Isaías capítulo 30​pica Jehová Dios 1) ñucanchi mañaicunata uyashpa contestajta, 2) ñucanchi imata rurana cashcata yachachijta, 3) Jehová Dios cunanbi y jipa punllacunapipash imashna bendicianatapashmi ricuchin (w22.11, página 8).

Salmo 37:10, 11, 29​pi shimicuna punda tiempopi pactarishcata y jipa punllacunapi pactarinatapash ¿imamandata seguro capanchi?

Davidca shamuj punllacunapi shuj ali causaigu tianatami nirca. Chaica Salomón mandajuj punllacunapimi pactarirca. Shamuj punllacunapi shuj paraíso tianamanda parlashpami Jesusca versículo 11​pi shimicunata nirca (Mat. 5:5; Luc. 23:43) (w22.12, páginas 8 a 10, 14).