Publicaciongunapi fotocunamanda yachajupashunchi

Ñucanchi publicaciongunapi llujshishca fotocunamandaca ashtacatami yachajuita ushapanchi. Chai fotocunamanda yachajungapaca ¿imatata ruraita ushapanchi?

• Primeroca publicacionbi fotocunatarami ricuna capangui. Shinami publicacionda liina munaita charipangui. Imashinami shuj mishquilla micunaguta ricushpaca micuna ganasta charipanchi, shina cuendallatami publicaciongunapi fotocunatara ricushpaca liina munaita charipanchi. Publicacionda nara liishpallatami cai fotocunamandaca “¿imatata yachajupani?” nishpa pensarina capanchi (Amós 7:​7, 8).

• Shuj temata liijushpaca chai temapi fotocuna imamanda chaipi cashcatami pensarita ushapangui. Foto ladopi tiajuj yuyaicunatapashmi liina capangui. Shinallata fotocunapash parrafopa yuyaicunata imashina intindichijtami pensarina capangui. Fotocunapi imata yachajushcatapashmi quiquinba causaipi pactachina capangui.

• Shuj temata liinata tucuchishca jipaca fotocunata cutin ricushpami importante yuyaicunata yuyarita ushapangui. Chai jipaca ñavita sipushpami fotocunata y chai fotocunamanda imacunatalla yachajushcata yaringapaj esforzarina capangui.

• Cai revistapi fotocunata cutin ricushpa, chai fotocunamanda imatalla yachajushcata yuyaripai.