¿Cristianocunaca guerrapi participanachu can? | Bibliapica ¿imatata nin?

Ucrania llacta guerrapica, cristiano religiongunapa lidercunaca guerrata apoyachunmi gentecunata animanajushca. Chai lidercuna imashina ishcandi ladocunata apoyanajushcata ricupashunchi:

• 16 de marzo de 2022​tami Metropolitano Epifanio I de Kiev liderca nirca: “Ñucanchi Ucrania llactata contracunamanda difindishpa macanajushca soldadocunataca ninandami alicachinchi y agradicinchi. Quiquingunahuanmi capanchi. Quiquingunamandaca tucui shunguhuanmi oranajupanchi y siempremi quiquingunataca apoyapashun” (The Jerusalem Post, periódico).

• 3 de abril de 2022​pica shuj periodicopica nircami: “Iglesia Rusia Ortodoxapa liderca, domingo punllatami ruso soldadocunapa shuj programa especialta rurarca. Chaipica ruso soldadocunataca alipacha macanajuichi nishpami animarca. Chaicamanga Moscú llactaca Ucrania llactataca atacashpami catijun” (Reuters, periódico).

¿Cristianocunaca guerrapi participanachu can? Bibliapica ¿imatata nin?

Bibliapica ¿imatata nin?

Bibliapica ninmi, Jesusta ciertopacha catijcunaca na guerracunapi participanachu can nishpa.

• “Canba espadataca alichi o huacaichi. Porque espadahuan macanajujcunaca espadahuanllatami huañuchi tucunga” (Mateo 26:52).

  Guerrata apoyajcuna y guerrapi macanajujcunaca Jesús imata nishcataca ¿pactachinajunllu?

• “Cangunamanga shuj mushuj mandamientotami cuni, caishuj chaishujmi juyarina canguichi. Imashinami ñucaca cangunata juyashcani, shinallatami cangunapash caishuj chaishuj juyarina canguichi. Shinaca, cangunapura caishuj chaishuj juyarijpimi, tucui gentecuna ñucapa discipulocuna cashcata yachanga” (Juan 13:34, 35).

  ¿Guerrata apoyajcunaca Jesuspa discipulocunashnachu juyaita ricuchinajun?

Ashtahuan yachangapaj munashpaca “¿Cristiano verdaderocunaca guerrapi chapurinachu can?” temata ricupangui.

Cunanbi cristianocuna y guerra

Cunanbica ¿ciertopachachu guerrapi na participaj cristianocuna tian? Ari, porque Bibliapica nijurcami, último punllacunapi osea cunan punllacunapica ‘macanajunata yachajunaca ñana tiangachu’ nishpa (Isaías 2:2, 4). Jesús yachachishcashnami tucui llactacunamanda gentecuna ñana macanajun.

• Ashtahuan yachajungapaj munashpaca “¿Taita Diosca guerracunata alicachinllu?” temata charij Villajun revistapi chaishuj temacunatapash ricupangui.

“Shungupi tranquilo, ali canata caraj” Jehováa Diosca ñallami jahua cielomanda mandashpa gentecunataca ‘ninandapacha llaquichi tucunamanda llujchinga’ (Filipenses 4:9; Salmo 72:14).

• Imashina salvanata yachangapaca Taita Diospa Reinoca ¿imata can? videota ricupangui.