Mundo enteropi yacu tucurijushcamandaca, Bibliaca ¿imatata nin?
Causangapaca tucuicunallatami yacuta minishtinchi. Shinapash, secretario general de las Naciones Unidas António Guterresca: “Mundo enteropi ashtaca yacuta utilizajushcamandaca yacuca tucurijun” nircami. Cunan punllacunapica mundo enteromanda ashtaca millón gentecunami limpio yacutaca na chari ushan.
Strdel/AFP via Getty Images
¿Shuj punllaca tucuicunapa suficiente yacu tiangacha? O siemprecha yacu faltaimanda problemata charishun? Bibliaca ¿imatata nin?
Bibliaca suficiente yacu tianatami nin
Bibliapica shuj punllaca suficiente yacu tianatami nin. Ashtaca, limpio, fresco yacumi tianga.
“Jichushca pambacunapica, allashpami yacuta Ilujchinga. Pipash na causaj pambapipash, yacuca urai calpajungami. Chaquishca pushtupica, yacumi cuchayanga. Chaquishca alpacunapica, yacu cuchacuna jundami tucunga” (Isaías 35:6, 7).
Bibliapa cai promesapica ¿imashpata confiai ushanchi? Bibliapi nishcashna ñucanchi planeta imapa rurashca cashcata ricupai.
Bibliaca Alpamanda, ciclo del aguamandaca caitami nin
‘Cai pachataca Taita Diosca na yanga tiachunga rurarcachu, ashtahuangarin chaipi causanajuchunmi rurarca’ (Isaías 45:18).
Taita Diosca cai alpataca paipa tucui rurashcacuna causachunmi rurarca. Chaimandami ashtaca yacu tiachun huaquin cosascunata rurarca.
“[Diosmi], yacu samai llujshijpipash, tamiata rurangapaj shujpilla tandachin. Chai fuyu yacuyashpami, runacunapaj jahuapi ninanda urmamun” (Job 36:27, 28).
Cai textoca, yacullata urmashpa chai yacullata jahuaman tigrashpa tiashpa catichun Taita Dios rurashcatami aliguta intindichin. Yacuca alpamanda, marcunamanda cunujyashpami vapor shina jahuaman tigran. Chaipimi fuyu tucushpa tamia shina cutin alpaman urman. Shinami gentecuna, animalcunapash limpio, fresco yacuta charin (Eclesiastés 1:7; Amós 5:8).
“Ñucami tamiachina punllapillata tamiachimusha. Chaimandami cangunapaj alpacunapica, granocuna fucunga. Shinallata pambacunapi shayanajuj quirucunapipashmi, granocuna fucunga” (Levítico 26:4).
Alpata tarpushpa causaj israelitacunamanga Taita Diosca ashtaca granocuna fucuchunmi yacutaca siempre carasha nirca. Taita Diosca granocuna fucuchun tamia siempre minishtirishca cashcataca alimi yachan.
Ñallami Taita Diosca israelitacunata ayudashca shinallata mundo enteropi gentecunatapash ayudanga (Isaías 30:23). Chaicamanga ashtaca llactacunapica yacuca faltashpami catinga. Tamiaitapash na tamiajpi chai problema tian. Bibliaca cunan punllacunapi yacu faltajushcamanda ¿imatata nin?
Yacu faltajui problemaca ¿imashina tucuringa?
Bibliaca Taita Diospa gobierno mandajpimi ñucanchi planetata llaquichijuj problemapash, yacu faltajuipash tucuringa ninmi (Mateo 6:9, 10). Taita Diospa gobiernoca jahua cielomandami cai alpata mandanga (Daniel 2:44; Apocalipsis 11:15). Diospa Gobiernoca cai alpapi gobiernocuna na rurai ushashca cosascunatami ruranga. Yacu faltajui problematapashmi tucuchinga.
Problema: Climacuna cambiarishcamandami yacupi cambiocuna tiashca. Chaimandami huaquinbica yapata indin o yapata tamiaimanda inundacionguna tian o marpi yacucunapash ashtahuan miran.
Solución: Taita Diospa Gobiernoca ñucanchi planeta pundashna ali cachunmi tucuita arreglanga. Taita Diosca “tucuitami mushujta rurajuni” nircami (Apocalipsis 21:5). Chaquishca alpa pambacunapipash ashtaca yacumi tianga. Cunan punllacunapica chai chaquishca alpacunapica na causai ushanallami can. Shinapash chai punllacunapica juyailla causaimi tianga (Isaías 41:17-20). Taita Diospa Gobiernopi Jesús mandashpaca terremotocunata, acapanacunata, shuj llaquicunatapashmi tucuchinga.
Jesús cai alpapi cashpaca shuj jatun huairatami controlarca. Shina rurashpaca Taita Dios paiman poderta cushcatami ricuchirca (Marcos 4:39, 41). Taita Diospa gobiernopi Jesús mandajpica terrremotocuna, acapanacuna, shuj llaquicunapash ñana tiangachu. Gentecunaca tranquilo, cushilla,imatapash na manllashpami causanga.
Problema: Llaquicuna tianapi na pensaj gentecunapash, jatun fabricacunapash riocunata, lagunacunata, pozo yacucunata contaminashpami catin. Chaimandami limpio yacuca ashtahuan tucurishpa rin.
Solución: Taita Diosca cai alpata, riocunata, lagunacunata, mar yacucunatapashmi limpianga. Cai alpaca shuj Paraisomi tucunga. Bibliapica cashnami nin: “Jichushca chulunlla sirij pambaca, cushillami tucunga. Chaquishca yuracunapash cushijushpami, juyailla rosas sisashna sisanga” nishpa (Isaías 35:1).
Cai alpamanda, caipi ima tiashcamanda, shuj gentecunamandapash na preocuparij gentecunahuanga ¿imashi pasanga? Taita Diosca ‘cai alpata huaglichinajujcunataca tucuchisha’ ninmi (Apocalipsis 11:18; Proverbios 2:21, 22).
Problema: Gentecuna yacutapash, ima tiashcacunatapash na ali utilizashpami alpapi tiashca yacutapash yali desperdicianajun.
Solución: Taita Diospa Gobierno mandajpica, mitsa gentecunapa munai pactarinapa randica, cai alpapica Taita Diospa munaimi pactaringa (Mateo 6:9, 10). Taita Diospa Gobiernoca gentecunamanga alipacha yachajuitapashmi caranga. Isaías 11:9pica ninmi: “Imashnami mama cuchaca yacu jundashca tiajun, chashnallatami tucui cai pachaca, Mandaj Diosta rijsina yuyaihuan junda canga” nishpa.a Taita Dios cai ali yachaita cushcamanda, shinallata Taita Diosta, paipa rurashcacunata juyaimandami gentecunaca cai alpata, alpapi tucui ima tiashcacunatapash aliguta cuidanga.
Taita Diospa Gobierno imatalla ruranata ashtahuan yachajungapaca, “Taita Diospa Gobiernoca ¿imacunatallata ruranga?” nishca temata ricupangui.
Isaías capítulo 35ta liishpa, quiquinllata cai alpa shuj paraíso tucunata ricupai.
Cai alpapash, gentecunapapash Taita Diospa munai maijan cashcata ashtahuan yachajungapaca, Taita Diosca cai alpata ¿imapata rurarca? nishca videota ricupai.
a Taita Diospa shutica Jehovami can (Salmo 83:18, TNM-S). “¿Pita can Jehová?” nishca temata ricupai.