ÑUCANCHI PLANETAHUANGA ¿IMASHI PASANGA?

LIMPIO YACU

YACU illajpica causaica na tianmanllu, ashtahuanbachaca limpio yacu na tiajpi. Ashtahuangarin gentecunapa, animalcunapa cuerpopica yacumi ashtahuan tian. Lagunacunapi, huaicucunapi, pantanocunapi, pozocunapi yacu na tiajpica gentecunapash, animalcunapash yacuta ufiangapaca na charinmanllu. Plantacunapi regangapapash illanmanmi.

Limpio ufiana yacuca tucurijunmi

Ñucanchi planetapica yacumi ashtahuan tian. Shinapash, Organización Meteorológica Mundial nishcashnaca cai planetapica 0,5 porcientollami limpio yacuca tian. Ashalla yacu tiashpapash causangapaca suficientemi can. Shinapash yacuca ashtahuan ashtahuanmi contaminarishpa catijun. Chaimandami limpio yacuta charina na fácil can. Climacuna cambiarijpi, yapa yacuta gashtajpimi shina pasan. Yacumanda estudiajcuna nishcashnaca, 30 huatacuna jipaca 5 mil millón gentecunami agua potabletaca na chari ushanga.

Ñucanchi planetaca causai tiachun rurashcami can

Cai mundoca tucuicunapa suficiente yacu tiachun rurashcami can. Ashtahuanbash cai alpapash, yacupi tiaj animalcunapash, indipashmi limpio yacu tiachun ayudan. Causaica cai mundopica tiashpami catinga. Huaquin pruebacunata ricupashun:

Yacu contaminashca cajpica alpallatami limpioyachita ushan. Pantanopi plantacunaca nitrógeno, fósforo, fumigashca jambicunatapashmi chupan.
Cientificocunaca procesos físicos y biologicoscunahuanmi contaminashca yacuta, alpallata limpio yacuman tigrachijta ricushca. Yacuca rijushpallatami contaminashca cosascunataca asha asha yacuyachishpa rin. Chaimi yacupi tiashca microbiocunaca yacuta limpiashpa catin.
Lagunacunapi, riocunapi tiashca almejacuna, mejillón nishcacunaca huaquin punllacunapillami fuertepacha quimicocunamanda yacuta limpiai ushan. Agua potableta charingapaj tanquecunatapash yalimi limpiaita ushan.
Cai mundopica ciclo del agua tiashcamandami limpio yacu tiai ushan. Ciclo del aguamanda cai alpapica limpio yacu tian. Chaimandami yacuca atmosferamanda na regarishpa na tucurita ushan.

¿YACHARCANGUICHU?

Alpaca shuj alipacha filtromi can

Alpaca yacutaca shuj alipacha flitroshnami limpian. Alpaca metalcunamanda, fuerte quimicocunamanda, ismushca basuramanda, shuj mapa cosascunamandapashmi yacutaca limpian. Yacuca rumi cashca alpaman chayashpaca limpio limpio ufianalla yacumi tucun.

Filtro físico

Arenapash, jamzilla rumicunapash mapa yacutaca shuj cedazoshna shushushpami limpian.

Filtro biológico

Alpapi jamzi jurugucuna tiaimandami fuerte quimicocuna gentecunata ama llaquichichun ayudan. Huaquin bacteriacunacarin tóxico aceitecunatami dióxido de carbonoman, yacuman tigrachita ushan.

Filtro químico

Alpaca corrienteta charishpami fuerte quimicocunataca shuj carga electricahuan tandachin o chupan. Por ejemplo arcillaca carga negativatami charin. Chaimandami yacutaca amonio corrosivomanda limpiai ushan. Amonio corrosivoca carga positivatami charin. Caica yacupi causaj animalcunapaca peligrosomi can.

¿Imata ayudai ushan?

Fotocuna: 1. Shuj jarica paipa carromanda aceite regarijujpimi arreglajun. Aceite ama alpapi regarichunmi shuj trastepi japijun. 2. Shuj jarica fuerte quimicocunapa tarrocunatami reciclaje pushtuman apajun. — Carrocunapa aceite fugacunata arreglashpa fuerte quimicocunata maipi shitana cashcapi shitashpaca, yacu ama contaminarichunmi ayudashun.

Yacumanda estudiajcunaca yacutaca na desperdicianachu canguichi ninmi. Ashtahuanbash yacuta ama contaminangapaca carrocunapa aceiteta revisachun, baño tazapi jambicunata ama shitachun, cifongunapipash fuerte quimicocunata ama talichunmi aconsejan.

Huaquin ingenierocunaca ashtahuan gentecuna potable yacuta charichunmi, mar yacumanda cachita llujchingapaj huaquin mushuj aparatocunata llujchishca.

Tucui caicunata ruranaca na suficientechu can. Mar yacumanda cachita llujchingapaca ashtaca culqui, ashtaca tiempomi minishtirin. Huata 2021pi yacumanda parlashpaca Naciones Unidasca shuj informepica nircami: “Mundo enteropimi ashtahuan dobleta trabajana canchi” nishpa.

Esperanzata charingapaj razonguna. Bibliaca ¿imatata nin?

‘Diosmi yacu samai llujshijpica tamiata rurangapaj shujpilla tandachin. Chai fuyu yacuyashpami runacunapa jahuapi ninanda urmajun’ (Job 36:26-28).

Taita Diosca cai mundopi yacuta cuidangapami ciclo del agua nishcata churashca (Eclesiastés 1:7).

Shinaca, Taita Diosllata limpio yacu tiashpa catichun rurashca cashpaca ¿nacha cai mundopi tiashca yacuta gentecuna huaglichishpa catijpipash arreglai ushanga? “Taita Diosca ñucanchi planetataca alichisha ninmi” temata, cai revistapillata página 15pi ricupai.