¿Taita Diospa culpamandachu sufrinajunchi?

Bibliapica caitami yachachin

Bibliapi nishcashnaca, na Taita Diospa culpamandaca sufrinajunchichu. Taita Diosca gentecuna sufrishpa causachunga na munarcachu. Shinaca ¿imamandata sufrinajunchi? Adán y Evapa culpamandami cunanbica sufrinajunchi. Porque paicunaca Taita Diosta cazunapa randica paicunapa munaita rurashpami, paicunallata ima ali cajta, ima nali cajtapash decidirca. Shina rurashpaca Taita Diostami ladoman saquinajurca. Chaimi paicunaca shuj shuj llaquicunahuan sufrishpa causana tucurca.

Paicuna shina nalita decidishcamandami tucuicunallata sufrinajunchi. Ñucanchi sufrimientocunamandaca Taita Diosca nima culpatapash na charinllu.

Chaimandami Bibliapipash cashna nin: “Pruebacunahuan cashpaca nipipash na ninachu can: “Taita Diosmi cai pruebataca cachamuhuashca” nishpa. Porque Taita Diosca nalita rurachunga nipita na tentanllu. Taita Diostapash nalicunata rurachunga nipipash na tentaita ushanllu” (Santiago 1:13). Tucuicunallatami sufrishpa causana tucushcanchi. Hasta Taita Diospa favorta charijcunapashmi sufrishpa causan.