¿Culqui faltajllagu causanajujpica Bibliaca ayudanllu?

Bibliapica caitami yachachin

Ari, Bibliaca ayudanmi. Ñucanchicuna dibi tucushca cajpi o culqui na pactajujpica, Bibliapi cai 4 consejocunami ñucanchitaca ayudaita ushan.

1. Mashnatalla gashtanatami ricuna capangui. Proverbios 21:5​pica ninmi: ‘Imatapash ucha rurajcunaca ashtacatapachami charinga. Ashtahuangarin yapata musparishpa imatapash ruraj runaca, imagupash illami tucunga’ ninmi. Ofertami can o baratomi can nishpallaca na imacunatapash randijunachu capangui. Primeroca mashna culquita charijujta ricushpami, chai charishcagutalla gashtana capangui.

2. Na yangata dibi tucunachu capangui. Proverbios 22:7​pica, ‘culquita mañaj runaca, culquita mañachij runapa sirvijmi tucun’ ninmi. Si dibicunata charingui y chai dibicunata na pagai ushajushpaca, fiachidorhuanmi imashina cuotacunapi pagai ushanata cutin parlana capangui. Na desanimarinachu capangui. Bibliapica, na aliguta pensarishpa, chai cuotataca pagashallami nishpa dibi tucushcacunamanga cai consejotami cun, fiachidorpaman rishpa ‘chaitaca paillata alichijuchun parlajuilla. Ashatallapash ama puñuichu. Canba ñavi puñunayachijpipash, ama saquichu’ ninmi (Proverbios 6:1-5). Shuj viajetalla rishpa fiachidorhuan parlajpi na de acuerdo quidai ushashpapash, ama desanimaripanguichu. Cutin parlashpa, paihuan shuj acuerdoman chayangapaj esforzaripangui.

3. Culquimanda preocuparina cashpapash ama yapataca preocuparipanguichu. Proverbios 28:22​pica ninmi: “Mitsa runaca, ucha charijyangapallami munashpa causan. Ashtahuangarin imagupash illaj tucuna punlla chayamunataca, na yachanllu” ninmi. Ansiosocuna, envidiosocunaca tanto culqui partepipash, tanto Taita Diospa ricuipipashmi llaqui apan.

4. Contentomi cana capanchi. 1 Timoteo 6:8​pica, “ñucanchi charishca micunahuanlla y charishca ropahuanlla contento capashunchi” ninmi. Cushilla causaitaca nimaipi na randitaca ushanchichu. Cushilla gentecunaca na charij charijcunachu can. Cushilla gentecunaca paicunapa familiahuan, amigocunahuanga alimi llevarin. Taita Dioshuanbash alimi amigocunami can (Proverbios 15:17; 1 Pedro 5:6, 7).