Testigo de Jehovacunaca ¿diezmota cunllu?

Testigo de Jehovacunaca diezmotaca na cunllu. Mundo enteropi villachingapami Testigocunaca paicunapa munaillata culquiguta cun. Shinallata mashna culquiguta cushcataca pipash na yachanllu. Shinapash diezmota cunataca ¿maipita yachachin? Testigo de Jehovacunaca ¿imamandata chai yachachishcataca na catin?

Moisesman cushca Leypica, levitacunaman diezmota cuchunmi israelitacunataca mandan carca. Shinapash Bibliapica, Jesusta ali catijcuna Moisesman cushca Leyta ñana cazuna cashcatami yachachirca. Chaimi cunanbi diezmota cunataca ñana minishtirin (Hebreos 7:5, 18; Colosenses 2:13, 14).

Shinaca diezmota o shuj ofrendata cunapa randica testigo de Jehovacunaca punda tiempopi Jesusta ali catijcunashnami rurapanchi. Paicunaca paicunapa munai culquiguta cun carca. Shinallata na cobrashpami Bibliapa ali villaigucunata shuj gentecunaman villachin, yachachin carca.

Shina ruranataca Bibliapimi yachachin. Bibliapica ninami: “Tucuicunallata cangunapaj shungupi yarichishcatami, carana canguichi. Na llaquirishpami carana canguichi. Mandajpillapash na caranachu canguichi. Taita Diosca, cushijushpa carajtami juyan” nishpa (2 Corintios 9:7).