Testigo de Jehovacunapa Cuerpo Gobernanteca ¿imata can?

Cuerpo Gobernante nishpaca mundo enteropi testigo de Jehovacunata diriginajun y espiritualmente shinlli caj cristianocunatami shina nin. Paicunaca uchilla grupomi can. Shinallata doble trabajotami paicunaca ruran. Chai doble trabajoca ¿maijanda can?

• Publicaciongunapi, reuniongunapi y testigo de Jehovacuna ruraj escuelacunapi ima informacionda yachachingapaj preparajtami paicunaca supervisan (Lucas 12:42).

• Mundo enteropi testigo de Jehovacunapa obratapashmi paicunaca dirigin. Chaimi paicunaca predicacionda supervisan y chasquishca contribuciongunata imashina aliguta utilizanatapash ricurian.

Cuerpo Gobernanteca apostolcunapa punllacunapi ‘Jerusalenbi ancianocunapa, apostolcunapa’ ejemplotami catin. Chai punllacunapica paicunami tucuilla congregacionba shutipi importante decisiongunata ruran carca (Hechos 15:2, Traducción del Nuevo Mundo [TNM]). Paicunaca alimi Taita Diostaca sirvin carca y na chaishuj huauquicunapa lidercunachu carca. Cunanbi Cuerpo Gobernantepi cajcunapash ñucanchi organizacionba lidercunaca na canllu. Imaguta rurangapapash siempremi Biblia imata nijta investigashpa decidin. Y congregacionda Cristo umashna mandajujtapash siempremi yaipi can (1 Corintios 11:3; Efesios 5:23).

Cunan punllacunapica ¿picunata Cuerpo Gobernantepi sirvinajun?

Cunanbica Kenneth Cook, Gage Fleegle, Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph, Mark Sanderson, David Splane y Jeffrey Windermi Cuerpo Gobernantepi sirvinajun. Paicunaca tucuillami testigo de Jehovacunapa sede mundialpi sirvinajun. Chai sede mundialca Nueva York, Warwick llactapimi can.

Cuerpo Gobernanteca ¿imashinata organizarishca can?

Cuerpo Gobernanteca ñucanchi obrata supervisangapami 6 comitecunata churashca. Y Cuerpo Gobernantepi sirvinajujcunaca cada unomi shuj comitepi sirvinajun.

• Comité de Coordinadores. Chai comiteca asunto legalcunatami supervisan. Shinallata imapash jatun llaquicuna como terremotocuna, huracanguna jatarijpica imashina ayudanatami ricun. Y imapash ruraicuna testigo de Jehovacunata afectajpi o Taita Diosta libremente na adorachun saquishpa gentecuna imatapash rurajpica, uchami chai comitepi sirvijcunaca imata ruranata ricun.

• Comité de Personal. Paicunaca testigo de Jehovacunapa sucursalcunapi sirvinajuj betelitacunahuan ricunata charij tucuilla asuntocunatami supervisanajun.

• Comité de Publicación. Chai comitepi sirvijcunaca Bibliamanda publicaciongunata imprimina y cachana asuntocunatami supervisan. Shinallata Salón del Reinocunata, oficina de traducciongunata y sucursalcunata ruranatami paicunaca supervisan.

• Comité de Servicio. Paicunaca Taita Diospa Gobiernomanda ‘ali villaicunata’ predicana obratami aliguta ricushpa supervisan (Mateo 24:14).

• Comité de Enseñanza. Chai comiteca reuniongunapi, escuelacunapi, audio y videopi imacunatalla yachachinata ricungapaj encargadocunami can.

• Comité de Redacción. Paicunaca Bibliamanda publicaciongunapi, ñucanchi sitio de Internetpi ima informaciongunalla llujshina cashcata ricungapaj y traduccionbi ruraicunata ricungapaj encargadocunami can.

Chai comitecunapi sirvinajushca fuerapash Cuerpo Gobernantepi sirvinajujcunaca cada semanami organizacionbi ima minishtirijujta ricungapaj tandanajun. Chai reuniongunapica Biblia imata nijta ricushpami, Taita Diospa espíritu santo dirigichun saquin. Taucalla cashpapash shujllashna decidingapami siempre esforzarin (Hechos 15:25).

Cuerpo Gobernanteta ayudajcuna

Cuerpo Gobernantepa cada comitepica Taita Dios ali sirvinajuj cristianocunami ayudanajun. Paicunaca, paicunaman asignashca comitepi ayudangapami alipacha experienciata charin (1 Corintios 4:2). Shinallata, paicuna asignashca comitepa tucui reuniongunapimi canata yachan. Aunque paicunapacha na deciongunata agllashpapash, comité parlajuj temamanda informacionda y sugerenciacunatapashmi nin. Shinallata comitepa decisionguna pactarichunmi ricurian y comité rurashca decisiongunamanda ima resultadocuna tiashcatapashmi ricuriashpa catin. Cuerpo Gobernanteca paicunata ayudanajuj cristianocunataca shuj llactacunapi Testigocunata visitangapaj richunmi cachan o especial programacunapi como huata tandanajuipi o Escuela de Galaadpa graduaciongunapi participachun ayudata mañan.