“Tucui llactapi gentecuna” ali villaicunata uyachun predicangapaj cochecuna

10 huatacunata yalimi predicación publicapica cochecunahuan villachinajushcanchi. Shina villachingapaj llujshijpica ashtahuan gentecunaca quimirishca. Mundo entero gentecunami cochecunahuan villachingapaj llujshijtaca ali rijsin. Chai cochecuna alipacha rurashca caimandami villachingapapash alipacha can. Polonia llactamanda Asenata panigushnami quiquinbash yuyapangui: “Cochecuna yangalla rurashcashnalla ricurishpapash pero alipacha rurashcami can. Utilizangapajpash, apashpa ringapajpash facilmi can”.

Publicaciongunata churangapaj cochecunataca ¿imashinata rurashcanga nishpa tapuripashcanguichu?

Cai modelo cocheta ruranaca alipachami carca

Huata 2021​pi Cuerpo Gobernantemanda huauquicunaca Francia llactamanda huauquipanicuna villachingapaj cochecunata utilizashpa shinallata shuj shuj metodocunata utilizashpa villachichunmi aprobarca. Por ejemplo, publicaciongunata churangapaca shuj shuj modelo cochecunatami rurarca. Franciamanda sucursalca shuj modelo cochetami agllarca. Chai modelo cochetaca achica huatacunatami huauquipanicunaca utilizarca.

Franciamanda huauquipanicunaca predicación publicapi ali rishcamandaca cushillami carca. 2011 huatapica Cuerpo Gobernantemanda huauquicunaca cochecunata y mesacunata utilizashpa predicación publicapi ali rijta o nali rijta ricungapajmi Estados Unidospi predicachun aprobarca. Chai programapi participashca precursorcunaca cochecunahuan predicangapaj ashtahuan fácil cashcata shinallata apangapapash fangalla cashcatami cuenta japirca. Precursorcunaca cochecunapa modelota ashtahuan mejorangapami huaquin sugerenciacunata curca. Caspihuan rurashca cochecunaca ashtahuan llasha caimandami gradacunata sicangapaca difícil carca. Chaimanda cochegucunataca fácil apai ushangapaj ashaguta fangallaguta rurarca. Mushuj modelo cochecunata rurashpaca jatun llantacunahuanmi rurarca. Chaimi maita apangapapash más fácil carca. Publicaciongunata huacaichita ushangapami huasha ladopica shuj uchilla cajaguta rurarca.

Primera vez chashna villachinaca alipachami carca. Huata 2012​pica, Cuerpo Gobernantepi sirvij huauquigucunaca predicación publicapi cochecunata utilizachunmi aprobarca. Cai arreglocunataca mundo enteropimi rurarca. Chaimandami achica cochecunata ali materialcunahuan rurachun shuj fabricapi mañarca.

Predicación publicapa cochecunataca ashtahuanmi mejorashpa catinajushca. Por ejemplo, huata 2015​pica, cocheta tapangapami shuj plasticota rurarca. Georgia llactamanda Dina panigutaca, cocheta tapangapaj shuj plasticota rurashcata ricushpaca ninandami gushtarca. Paica cashnami nin: “Publicacionguna ama jucuchunga alipacha plasticotami charin”. 2017 huatapica posters magnético nishcacunami huaquin shimicunapica llujshirca. Polonia llactamanda Tomasz huauquiguca cashnami nin: “Pundaca cartelta pegashpa cambianaca ashaguta dificilmi carca. Pero cunanga posters magneticota charishcamandaca ashtahuan facilmi can”. 2019 huatapica cochecuna ashtahuan parachunmi cochecunapa materialcunata cambiana tucurca.

Predicación publicapa rurashca cochecuna

Predicación publicapa cochecunata shuj fabricapilla rurachishpami mundo enteropi tiaj congregaciongunaman cochecunataca cachan carca. Cunanbica shuj gastocunatapash na cuentashpallami cochecunaca 43 dólar valin. Cunangamanga predicación publicapa cochecunata rurashpaca 16 millón yalimi gashtarishca. Shinallata mundo enteropi congregaciongunamanmi 420 mil yali cochecunata cachashca.

Contribuciongunata aliguta utilizanpagami cochecunataca al por mayor ruran. Shinallata congregaciongunaca cochecuna dañarijpi alichingapaca repuestocunatapashmi mañaita ushan. Shinami cambiangapaj randica chai cochecunatallata alichin.

Ali villaigucunata villachingapami cochecunataca utilizan

Mundo enteromanda huauquipanicunami predicación publicapi cochecunata utilizanata ninanda gushtan. Ghana llactamanda Martina paniguca cashnami nin: “Villachingapaca ñucanchimi gentecunamanga siempre quimirinchi, pero predicación publicapi cajpica gentegucunami cochecunamanga quimirin. Pipash ñanda yalijushpallatami ali villaigucunataca chasquita ushan”.

África llactapica, shuj jarigu cocheman quimirishpaca paipa propio shimipimi publicaciongunataca chasquirca. Shuj semana jipa shamushpaca cashnami nirca: “Tucui publicaciongunapa información alipacha cashcamandami tucuilla publicaciongunata liircani. Ñuca familiamanbashmi parlangapaj munani”. Paipa llactaca 500 yali kilometrocunata carupimi carca. Ishcai quilla jipa tigramushpaca cashnami nirca: “Ñuca llactamanda gentecunaca publicaciongunata liishpaca cushillami sintirirca. Paicunaca testigo de Jehovacuna tucungapaj munashpapash huaquin tapuicunatami charin. Por ejemplo, bautizaringapaca yacupi panbarina cashcataca alimi intindin. Shinapash ñucanchi llactapica shuj riotaca na charinchichu. Bautizaringapaca caimanllu shamuna canchi” nishpami nirca. Huauquipanicunaca paicunapa shimita parlaj shuj precursor huauquihuanmi parlarca. Chaimandapachami precursor huauquica chai jarihuanga Bibliamanda yachajujun.

“Tucui llactapi gentecuna” ali villaicunata uyachun cochecunata utilizashpa predicanajushcamandaca ninandami cushijupanchi (Mateo 24:14). Predicación publicapa cochecunata rurachunga ¿ima culquihuanda paganajushcanchi? Donate.jw.org paginapi obra mundialpa churashca contribuciongunahuanmi paganajushcanchi. Contribuciongunahuan ayudajushcamandaca ninanda agradicipanchi.