Jesús huañushcata yaringapaj prepararishunchi
1. Jesús huañushcata yarina punllacunapica ¿ima oportunidadtata charinchi?
1 Jehová Diosca paipa Churipa causaita cushpami ñucanchita salvashca. Chai punllata cushijushpa yaringapajmi martes 26 de marzota tandanajushun (Is. 61:10). Shinapash, chai punchata cushijushpa yaringapajca ¿imatata ñamanda shinana canchi?
2. Jesús huañushcata yaringapajca ¿imamandata tucuita listo charina canchi?
2 Prepararishunchi. Jesús huañushcata yarina tandanajuipica, imapash jatun cosascunataca na shinanchichu. Shinapash tucuilla cosascunatami listo charina canchi ( Prov. 21:5). Maipi, ima horas tandanajunata, tandata, vinotaca uchami segurana canchi. Tandanajuna pushtu limpio, listo cachunbash uchallami ricuna canchi. Discursantepash ali yachachingapajmi prepararina can. Acomodador huauquicunapash, tandata vinota yalichij huauquicunapash chai punllapi imata shinanataca alimi yachana can. Ñami casi tucuita listo charishun. Ashtahuanbash ñuchanchita salvashcamanda agradicishpami, chai jatun punllapaca ali prepararina canchi (1 Ped. 1:8, 9).
3. Jesús huañushcata yaringapajca ¿imashinata ñucanchi shungupipash aliguta alichirina canchi?
3 Shunguta alichirishunchi. Jesús imamanda huañushcata ali intindingapajca, ñucanchi shungupipashmi aliguta alichirina canchi (Esd. 7:10). Chaimandami chai punllacunapa liina textocunata liishpa, Jesús ña último punllacunata cai Alpapi cashpa imata shinashcapipash pensarina canchi. Chaita shinashpami Jesuspa ejemplota catingapaj munashun (Gál. 2:20).
4. Jesús huañushcamandaca ¿maijan bendicionmandata ashtahuan cushijungui?
4 Jesusca paipa causaita cushpami Jehová Dioslla mandana cashcata ricuchirca. Shinallata juchamanda huañuimanda salvashpami ñucanchitaca Diospa ñaupajpi ali ricurichun, unai unaicaman causachunbash ayudashca (Col. 1:21, 22; 1 Juan 2:2). Ashtahuanbash Jesús ñucanchimanda huañushcata yarishpami, Jehovatallami sirvisha nishcata pactachishun, Jesuspa ejemplotapash aliguta catishun (Mat. 16:24). Shinaca, Jesús huañushca punllata yaringapaj prepararishpa, chai tandanajuiman rishpaca ninan jatun bendiciongunatami charishun.