Superintendente de circuitocunaca ¿imashinata ñucanchita ayudan?

Escrituras Griegas Cristianaspica cutin cutinmi Bernabemanda, Pablomandapash parlan. Paicunaca superintendentecuna cashpami huauquicunata espiritualmente ayudangapaj congregaciongunata visitashpa purin carca. Caru caruta rina cajpipash huauquicunata animangapami Pabloca cutin visitagringapaj munarca (Hechos 15:36). Cunan tiempopi superintendentecunapash huauquicunata animangapami visitan.

Tucuicunata animashpa. Superintendente de circuito huau­quicunaca casi 20 congregaciongunatami huatapica ishcai viaje visitan. Chai huauquicunamanda, cazado cajpicarin paicunapa huarmicunamandapash ashtacatami beneficiarita ushapanchi. Paicunaca gulpicunata ali rijsingapami munan. Villachinaman llujshingapajpash, Bibliata ñucanchihuan yachajujcunatapash visitagringapami munan. Superintendentecunaca ancianocunahuan rishpami shuj huauquicunata animan. Shinallata congregacionbipash jatun tandanajuicunapipash juyailla discursocunata cushpami animan (Hechos 15:35).

Tucuicunamanda preocuparishpa. Superintendente de circuitocunaca congregaciongunata espiritualmente ayudangapami munan. Congregación imashina catijujta yachangapami ancianocunahuan, siervo ministerialcunahuan tandanajun. Ashtahuanbash paicunapa responsabilidadcunata ali pactachichunmi ayudan. Precursorcunataca aliguta villachichun, aliguta yachachichunmi ayudan. Tandanajuicunapi mushujcunata rijsishpa, paicuna espiritualmente ali catinajujta ricushpaca ninandami cushijun. Superintendente huauquicunaca ñucanchimanda preocuparishpami aligutapacha rurashpa ayudanajun (2 Corintios 8:23). Paicunapa ejemplota catishpa, feta shinlliyachishpa Diostalla sirvipashunchi (Hebreos 13:7).

• Superintendente de circuitocunaca ¿ima yuyaihuanda congregaciongunata visitan?

• Superintendente visitajpica ¿imashinata beneficiarishun?