Ashtahuan aliguta villachishunchi: negocio pushtucunapi

¿Imamandata minishtirishca can? Casi tucui gentecunami cada punlla trabajashpa yalin. Chaimandami ali villaicunata paicunapash uyachunga paicunapa trabajo pushtupi villachina canchi. Negocio pushtucunapi villachishpaca, tauca gentecunahuan parlaita ushaimandami cushilla sintirishun. Paicunaca randingapaj shamun yashpami ñucanchicunataca aliguta tratan. Negocio pushtucunapi ali villachingapaca, publicadorcunaca ali ricushpami villachina can. Shinallata ali mudarishcami rina can (2 Cor. 6:3). Superintendente de servicio huauquimi negocio pushtucunapi picuna villachijta, mashna viaje chai pushtucunapi villachinatapash ricuna can.

¿Imatata rurashun?

Imashina ñapash villachinata repasapai. Villachijushpa yapata parajpica, cutinbaca ñana uyangapaj munangachu.
Randingapaj gentecuna nara chayajpillata o tutamandami villachina ali can.
Pundapica dueñohuan o negociota cargo tucushcahuan parlapai. Chashna ni ushapangui: “Gentecunahuan ashaguta parlangapami shamunajupanchi. Trabajo pushtucunapillami paicunataca tupari ushapanchi” nishpa. Ashagutalla parlashpa shuj tratadota, revistata o shuj publicacionda saquipangui. Ñucanchicunata imatapash jatujcunata shina ama ricuchunga, tapujpillami cashna publicaciongunaca gentecuna munai culquita cujpimi llujshin nina canchi.
Negocio dueño cushilla chasquijpica, trabajadorcunahuan ashaguta parlai ushapanichu nishpa tapunallami can. Huaquin negociocunapica, gentecuna shuyana pushtupi publicaciongunata saqui ushapanchichu nishpa tapunallami can.
Aliguta ricushpa, ashata shuyapangui. Villachijujpi negocio dueño o trabajador pihuambash parlajujpi o ocupado cajpica, desocuparingacaman shuyanami ali can.

Cai quillaca caita rurapashunchi:

Negocio pushtucunapi villachina cajpica, imashina villachinata Familiahuan Adorana Tutapi repasapangui.