LECCIÓN 1
Testigo de Jehovacunaca ¿imashina gentecunata capanchi?
Dinamarca
Taiwán
Venezuela
India
¿Mashna testigo de Jehovacunatata rijsipangui? Huaquingunaca quiquinba vecinocuna, trabajopi o escuelapi compañerocunachari canchi. Tal vez Bibliamanda quiquinhuan parlashcanchipashchari. Testigocunaca ¿picunata canchi? ¿Imamandata ñucanchi crishcacunata shujcunaman parlanchi?
Quiquinba vecinocunami capanchi. Ñucanchipurapica charij gentecuna, pobrella gentecuna, shican shican llactamanda gentecunami tiapanchi. Huaquingunaca ñami shuj religionda charircanchi. Shujcunacarin Diospipash na crircanchichu. Chaimandami testigo de Jehová tucungapaca Bibliatara ali yachajuna carcanchi (Hechos 17:11). Bibliata ali intindishpami Jehová Diosta sirvinata cada uno agllashcanchi.
Bibliata yachajuimandami aliguta causapanchi. Ñucanchipash caishuj gentecunashnami problemacunata charinchi, imapipash pandarinchi. Shinapash, Bibliapa yachachishcacunata pactachingapaj esforzarishpami aliguta causapanchi (Salmo 128:1, 2). Shujcunapash aliguta causachun munashpami Bibliapa yachachishcacunataca gulpi gentecunaman parlapanchi.
Bibliapa yachachishcacunatami catipanchi. Chaicunami cushilla sintirichun, honrado cachun, shujcunata respetachun juyachunbash ayudan. Bibliapa yachachishcacunami familiapi ali causachun, ali trabajador cachun, mapa yuyaicunata ama charichun, ali limpio causachunbash ayudan. ‘Diosca na pitapash ñavita ricushpalla chasquijta’ intindishpami, huauquicunahuan panicunahuanga shican shican llactacunamanda cashpapash shujlla familiashna capanchi. Politicapipash na chapuripanchichu. Chaimandami tucuicuna chaitallata crishpa Jehovata sirvipanchi (Hechos 4:13; 10:34, 35).
Testigo de Jehovacunaca ¿imapita caishuj gentecunashna igual canchi?
Bibliapa yachachishcacunaca ¿imashina causachunda ayudan?