Diosta uyashunchi folletohuanga ¿imashinata yachachishun?

Diosta uyashunchi folletoca na ali liita ushaj gentecunaman, dibujocunata ricuchishpa Bibliapi minishtirishca yuyaicunata yachachingapami ali can. Cada leccionmi ishcai paginacunata charin. Chaipi dibujocunaca alipacha dibujocunami can. Maijan dibujocunata catishpa yachachinata cuenta japichunga shuj flechagumi tiajun.

Na huañushpa causangapaca Diosta uyashunchi folletoca Diosta uyashunchi folletopi dibujocunatallatami charin. Shinapash tauca letracunatami charin. Cai folletotaca ashaguta liinata yachaj gentecunamanmi yachachita ushanchi. Shinallata, Diosta uyashunchi folletohuan gentecuna yachajunajujpipash, huaquin publicadorcunaca Na huañushpa causangapaca Diosta uyashunchi folletopi ricushpami yachachin. Huaquin paginacunapica shuj recuadromi tiajun. Chai recuadrotaca yachajujpi pensarishpami, usharijpica yachachinalla can.

Shuj publicaciongunahuan villachinajushpapash, siempremi cai folletocunahuanga villachita ushanchi. Bibliamanda yachachijushpaca dibujocunata ricuchishpami, Biblia imata nijujta intindichita ushanchi. Yachajujpash parlachun, o pai intindijujta na intindijujta cuenta japingapaca, tapuicunatami rurana canchi. Cada paginacunapa ura chaquipi tiajuj textocunatami liishpa, intindichina canchi. Folletota tucuchishca jipaca, bautizaringacaman ñaupaman catichun ayudangapami ¿Imatata Bibliaca yachachin? librohuan yachachishpa catina canchi.